KRISEPLANAR
SAGVÅG SKULE

KRISEPLANAR
SAGVÅG SKULE

Del 3 Akuttnivå                                Kriseplanar for Sagvåg skule

Ansvar / instruksar

Alarmplaninstruks for rektor (Lars Bakka)

Mediekontakt i samband med alvorlege ulykker

• Berre rektor skal uttala seg.
  MEN: Den som tek telefonen skal IKKJE seie 'ingen kommentar'. Be om å få undersøke saka og meld at rektor ringer tilbake til t.d. journalisten. (Hugs å få direktenummeret.)
  Også rektor må ofte be om å få ringa tilbake då journalistar som lytar til AMK-kommunikasjonen kan komma til å ringa før informasjonen om ulukka har nådd leiinga.

• Ver alltid sakleg, kort og konsis.

• Gje alltid rask og rett informasjon

• Hald deg til fakta

• Ikkje still deg i ein situasjon der du må gå tilbake på tidlegare uttalar.

• Ver imøtekomande og vis vilje til samarbeid med pressa.

• Hald deg til saka.

• Ver budd. Ha skriftleg informasjon om det finst.

• Ha kontroll med situasjonen.

Alarmplaninstruks for assisterande rektor

Ansvarleg for alle elevane som er på skulen.

• Undervisningsinspektør skal sjå til at alle klassane har ein vaksen hos seg. (Helst klassestyraren.)

• Fungerer som rektor om rektor ikkje er til stades.

Alarmplaninstruks for sosiallærar:

Sosiallærar I (5.-7.st)

Ansvarleg for varsling av pårørande.

• Ver alltid sakleg, kort og konsis. (Ikkje uttal deg om skadeomfang e.l.)

• Gje alltid rask og rett informasjon. (Eks. "De må møta på Fylkessjukehuset straks.")

• Hald deg til fakta.

• Ha kontroll med situasjonen.

Sosiallærar II (1.-4.st) overtek rolla til sosiallærar I dersom ho/han er borte.

Alarmplaninstruks for sekretær
Hjelper rektor, inspektør og sosiallærar frå kontoret.
-          Overtek ei koordinerande rolle dersom undervisningsinspektør er borte.

Alarmplaninstruks for lærarane
Ansvarleg for årssteget han/ho har fått ansvaret for av undervisningsinspektør
-         Sjå elles gjeldande handlingsplan for dei ulike situasjonane. 

Alarmplaninstruks for andre tilsette
Assistentar og andre tilsette hjelper til i dei klassane det er spesielt trong for dette
-         Sjå elles gjeldande handlingsplan for dei ulike situasjonane.

Skulefritidsordninga:

Alarmplaninstruks for tilsette i SFO

Det er til ei kvar tid dei som er på arbeid i SFO-tilbodet som har ansvar for at gjeldande rutinar for kritiske situasjonar vert følgde.  Dersom rektor er til stades vert instruks den same som i skule.
Dagar rektor ikkje er til stades, må den/dei som er bemannar tilbodet handtera ein eventuell krisesituasjon

1. Den første som kjem til ulykkesstaden syter for at

• førstehjelp blir gjeve
• lege/ambulanse
• rektor blir varsla

2. Rektor, eller den som fungerer som rektor, syter straks for at

• politiet blir tilkalla ved trafikkulykker, alvorleg personskade og ulykker der strafferettsleg ansvar kan bli gjort gjeldande
• foreldra blir varsla av sosiallærar  1 (sjå alarmplaninstruks for sosiallærar 1)
• personalet blir orientert
• undervisningsinspektøren har det overordna ansvaret for at alle klassane får ein lærar eller assistent med seg i klasserommet (sjå alarmplaninstruks for undervisningsinspektør)

3. Følgjande strakstiltak blir, så langt det er mogeleg, gjennomført for dei andre elevane

• lærarane tek elevane med til årssteget
• sosiallærar  2 tek seg av søsken til den forulykka. (Dersom sosiallærar 2 ikkje er til stades, den som rektor pålegg dette ansvaret.)
• lærarane har ansvar for at sjokkskadde elevar får ekstrahjelp, og at rektor får melding om lege må tilkallast.
• lærarane må så langt som mogeleg syta for at elevane får følgje med kvarandre på heimvegen
• lærarane må vurdera om foreldra bør kontaktast for henting av elevar som treng spesiell omsorg

4. Så snart det er praktisk mogeleg, syter rektor eller den som fungerer som rektor, for å kalla saman til eit møte mellom lærarar, PPT  og helsepersonell for å drøfta og leggja til rette for  oppfølgingstiltak. Det må leggjast vekt på at elevane må få snakka ut om det dei har opplevd, og det må inviterast til ein open kontakt mellom heim og skule. Det må leggjast spesiell vekt på augnevitne og deira behov for hjelp.

1. Prosedyre ved dødsfall  i skulemiljøet når ein elev døyr.
a)  Lærar, rektor og foreldre vert varsla.
b)  Lærarane vert samla på lærarrommet. Rektor orienterer. (Kort)
c)  Årsstega vert orientert av kontaktlærarane.
d)  Flaggheising  på skuleplassen.
e)  Alle elevane vert samla i amfiet.

Minnestund

• Musikk medan elevane samlast. (2-3 minutt) -piano

• Orientering ved rektor (kva har hendt…)

•  Kort minneord v/ prest

• Ingen er så trygg på ferda nr 488 Norsk salmebok

• Tenning av lys  v/ klassestyrar  ved biletet av eleven.

• Musikk, piano

• Skriftlesing ved kappelan, bøn og fadervår

• Felles song: Ein fin liten blome i skogen eg ser. (salme 493)- overhead

• Musikk, piano medan elevane går tilbake il heimebasane.

f) Elevane i årsteget til den døde får høve til å gå heim, etter at ein har undersøkt om det er folk heime. (Foreldra kan godt henta elevane)

g) Foreldremøte når det er aktuelt å følgja i gravferd. Det bør lagast til foreldremøte  med klassestyrar, rektor og prest for foreldra i årssteget. På denne måten vert foreldra orienterte om dødsfallet og får vita om korleis born opplever sorg og korleis ein kan driva sorgarbeid.

h) Presten vert invitert til årssteget for å fortelja om gravferda . Årssteget får gå i gravferda. Alle elevar (frå andre klassar) får gå saman med foreldra sine.

i)  Eit lys eller/og ein blom vert ståande på den tomme pulten. Pulten til eleven vert fjerna ei tid etter gravferda .

j)  Helsing heim frå årssteget på den første fødselsdagen.

2. Når ein av personalet døyr

• Ein fylgjer stort sett same plan som punkt 1.

• Rektor/inspektør/sosiallærar  tek seg av årssteget til vedkomande.

• Foreldrekontaktar vert innkalla og orientert, evt. foreldremøte.

• Elevane i årssteget til læraren kan ta del i gravferda  saman med foreldra sine. Skulen har stengt denne dagen.

3. Når nokon døyr i ferien

Skulen har ei minnehøgtid så snart skule startar. Årssteget vitjar grava. Blomehelsing på den første fødselsdagen.

4. Når nokon vert alvorleg sjuke

Skulen v/rektor må så snart som råd er orientera seg om korleis det står til. Heimen vert kontakta, slik at den informasjonen som vert gjeve er i tråd med heimen sine ønskje. Helsesøster kan kontaktast for å orientera årssteget om sjukdomen. I samråd med familien til den sjuke vert alle foreldre i årssteget orientert.

5. Når foreldre/søsken til ein elev døyr

Årssteget har minnestund, dersom eleven ikkje er til stades. Dersom eleven er til stades bør det samtalast, om død , sorg og det å miste nokon me er glade i. Eleven får høve til å fortelja kva som har skjedd. Klassestyrar / sosiallærar  må følgja opp eleven.

6. Ulukke i nærmiljøet

Elevane vert orientert samla. Prest , skulelege og/eller politi  vert kontakta og står for orienteringa. Lystenning og flaggheising vert gjennomført dersom nokon har omkome.

7. Flagg på halv stong

Kvar gong skulen har flagg på halv stong, må elevane orienterast. Rektor avgjer om skulen skal samlast og ha minnestund.

8. Andre vonde situasjonar

Skilsmisse, alvorleg sjukdom, ….

Alt dette kan skapa sorgreaksjonar hos born. Lærarane må difor vita noko om sorg hos born og hjelpa til med sorgarbeid.

Dersom eleven er heime:
Den som får melding om at far, mor eller søsken til ein elev er død melder straks frå om dette til rektor. Den som har informasjonen om dødsfallet ringer deretter til kontaktlæraren til eleven.

Ein må ta utgangspunkt i at eleven kjem på skulen allereie dagen etter dødsfallet. Vår erfaring viser at det er godt for eleven å vera saman om sorga i skulen.
Skulen er representert i gravferda med kontaktlæraren og/eller den som kjenner familien best.

Sjå også: http://www.helsenytt.no/artikler/barn_og_sorg.htm

Scenario:

a)       Større ulukker/hending i lokalsamfunnet

•  Dette kan vera t.d. større arbeidsulukke på verftet der det er usikkert om foreldre til elevar er forulukka, større bussulukke, brann i bedrift med mange foreldre m.m.

b)       Alvorleg ulukke/hending i skulemiljøet

•  Dette kan vera trafikklukker, fallulukker, gisslesituasjon m.m.

I alle tilfella kan det bli aktuelt å halda elevane igjen på skulen til dei vert henta av foreldra. I ein slik situasjon vert dei yngste elevane haldne i klassane og på SFO til dei vert henta. For dei eldre elevane, og dei yngre som ikkje vert henta gjeld at foreldra må kontaktast på arbeid eller heime pr. telefon.

Det er telefonane i administrasjonen ved skulen som vert nytta til denne kontakten. Ein kan også nytta telefon i SFO, personalrom og mobiltelefonar dersom det er trong for fleire liner ut. Ei line inn bør alltid vera ledig.

Det bør også vurderast om Stord kommune sentralt v/ Kundetorget bør ta del i eventuell ”storvarsling” av foreldra. Ved svært alvorlege hendingar der heile lokalsamfunnet er råka vil sjølvsagt massemedia, t.d. NRK Hordaland vera ein naturleg samarbeidspartnar. (Sjå instruks for rektor.)

Scenario:

a)       Større ulukker/hending i lokalsamfunnet

• Alvorleg trafikkulukke tett ved skulen, brann i laget til skulen, m.m.

b)       Alvorleg ulukke/hending i skulemiljøet

• Brann i skulen, langvarig lokal straumstans i mørk/kald vinter, vatnstans, m.m.

I slike høve gjeld mange av momenta i planen over. Dersom heile skulen skal evakuerast, vil gymsalen ved Nysæter ungdomsskule bli nytta som mellombels innkvartering.

• Branndokumentasjon>>

• Diverse branntekniske dokument>>

• Manifest mot mobbing>>

• Barneombodet om mobbing>>

• Nasjonal tiltaksplan for Manifest mot mobbing 2006-2008 (pdf)>>

• Skolen handlingsplan mot mobbing(pdf)>>

Problem knytt til åtferd kan vera alt frå uro til vald frå ein elev. Men det kan også vera skulk, eller forsvinning frå skulen i skuletida.

Åtferdsproblem på årssteget

I arbeidet på årssteget vil ein til tider oppleve at det «kokar over» og at situasjonen kjem ut av kontroll. Ein må då på eit gitt tidspunkt be om hjelp. Dette bør gjerast med tanke på den eleven det gjeld, læraren og resten av årssteget.

 I. Når ein opplever uakseptabel åtferd på årssteget, er det best om den som har årssteget sjølv klarar å «ordne opp». Dette vil styrkje læraren sin autoritet og posisjon på sikt.

 II. Finn ein det naudsynt, kan ein be rektor eller nokon som ikkje har undervisning i den timen om å ta over årssteget. Då kan ein sjølv får snakka med eleven det gjeld.

 III. Den strengaste reaksjonen er å ta kontakt med rektor. Då må ein også vurdera om ein ynskjer om rektor skal vera med i årssteget, om rektor skal ta over årssteget, eller om eleven skal til rektor. Dersom ein elev vert sendt til rektor grunna uakseptabel åtferd  for andre gong, får han/ho melding til heimen.

Dersom problemet ikkje vert løyst over tid, bør ein vurdera om sosiallæraren i ein periode er med i årssteget, eller tek seg spesielt av denne eleven. Her må sosiallærar  og klasselærar leggje ein plan for korleis ein nyttar denne avgrensa ressursen best.

Ein må til ei kvar tid vurdera om ein kjem til ei grense der skulemiljøet må setjast i fokus. Dersom ein opplever mange «enkeltelevar» som har problem med å tilpassa seg skulekvardagen, må me også sjå kritisk på eigen praksis, m.a. val av arbeidsmåtar o.a

Om ein enkelt eleven har store og permanente åtferdsvanske, må ein vurdere om det er grunnlag for å søkje om ekstraressursar etter §5. Då må ein også ha foreldra sitt samtykke.

a)    Forsvinning:
Dersom ein t.d. ikkje kjem inn etter friminutt skal det straks leitast etter eleven. Det bør ikkje gå meir enn 10 minutt før nokon ser etter eleven. Dersom eleven ikkje dukkar opp i løpet av dei neste kvarteret bør administrasjonen koplast inn. Det vurdert kva som vert skal gjerast vidare i frå sak til sak. (Bur eleven nær skulen er det naturleg å kontrollera om eleven har gått heim,…)

b)  Skulk, eller anna ugyldig fråvær
Dersom ein elev ikkje kjem til skulen, er det naturleg å tenkja at han/ho er sjuk. Det er likevel i enkelte situasjonar naturleg å vurdera om ein bør foreta seg noko. I desse tilfella skal alltid rektor koplast inn. (Det kan t.d. vera ein elev med mykje fråvære og mistanke om skulevegring eller skulk. Det kan også vera familieforhold som gjer at det er naturleg å ta kontakt med familien om fråværet.)