.

 

Sjå også: 4.klasse 01/02>> 
4.klasse 02/03>>
4.klasse 03/04>>
Oppdatert 15.10.07 
Her finn du bilete frå:                                                  
  4. å r s s t e g  2 0 0 4/0 5
Til Almås med 4.
[15.juni 2005]

I dag har 4.steget vore på tur til Brita heime på Almås. Først fekk me ei interessant omvising i Kunsthuset. Me fekk høyra litt om korleis Per laga maleria sine. Etterpå viste han oss korleis eit tresnitt vert til. Så var det tid for mat. Pølser og bollar er god mat på slike dagar. Litt fotball vart det og tid til. Og veret? Det vart berre finare og finare jo lenger me var på Almås.

Tekst & foto: Brita Flatøy

 
Bokgåve
[7.juni 2005]

I dag var me i fjerde heldige. 3 kjekke jenter, Christina, Malin og Anne, frå 6.steget kom og spurde om me ville ha kvar vår bok. Klart me ville!

 

Tekst & foto: Brita Flatøy

Tur for 1. til 4.steget
[1.juni 2005]

Heile småskulen har hatt ein kjekk tur til Almås i dag. Me grilla, gjekk tur i trollskogen og koste oss i det fine veret. Fleire bilete på sidene til 1.steget, 2.steget, 3.steget og 4.steget

Tekst og foto : Brita Flatøy

 
O-løp med 3 og 4.steget
[30.mai 2005]

3. og 4.årssteg har vore ute og funne postar i kroppsøvinga.
Kjempegod innsats!

Tekst og foto : Gro A. Halvorsen

 
Brenneneslesuppe og hastverksbollar.
[20.mai 2005]

I dag har 4.steget vore på kjøkkenet og laga suppe og bakt bollar. Nokre av elevane syntest det var kjempegodt med brenneneslesuppe, andre var litt meir skeptiske. Det var så travelt då me laga maten at me gløymde å ta bilete, men her ser de nokre glimt frå då me koste oss og åt, og litt frå rydding og oppvask.

Tekst og foto : Brita Flatøy

 

Båttest på Fletaneset
[19.mai 2005]
4.steget har laga seg båtar på sløyden for i tid sidan. I dag har me vore på Fletaneset og segla med dei. Dei fleste flaut fint. Birger hjelpte til med å laga seljefløyter.

12.april 2005

Aktivitetsdag

Studentane laga til ein kjempekjekk aktivitetsdag for heile småskulen på tysdag. Elevane vart delte i grupper og fekk vera med på ulike aktivitetar. Dei spelte fotball, var med på  tikkenleikar, gjekk sporløype, hoppa lengde, kasta kule mellom anna. På bileta ser de elevane i aksjon. Du finn fleire bilete her>>

Tekst : Brita Flatøy

 

17.mars 2005

4. årssteget på tur til lavvoen i Hustredalen.

Det er ikkje farleg om det regnar og vatnet fløymer overalt når me har så fin plass å gå til. Me hadde ein kjekk tur med leik og bålbrenning.

Tekst: Brita Flatøy  Foto: Rolf Håkon Nesheim

 

17.mars 2005

Steinalder i 4.

Onsdag 16.mars var 4.årssteget på museet. Me har jobba med eit tema om steinalderen i det siste. På museet fekk me læra endå meir om korleis folk levde på denne tida. Det var eit ufyseleg ver denne dagen, så villsvinnjakta gjekk føre seg i museumshallen.
 

Tekst: Brita Flatøy  Foto: Joakim H. Bjelland

17.februar 2005

Til Hustredalen med 4.steget

Onsdag 16.februar var me på tur i Hustredalen. Me spidda pølser på bål, leika og koste oss. Nokre av elevane var indianarar, andre cowboyar. Varulvar og dinosaurar var det og der oppe.
Ein flott plass, og ein fin gjeng å gå på tur med.

Tekst & foto: Brita Flatøy

14.februar 2005

Lærer å strikka

Elevane på 4.steget lærer seg å strikka i desse dagar. Du finn fleire bilete på biletsida vår>>

Tekst & foto: Brita Flatøy

 

 

8.februar 2005

Om samane i 4.

På fjerde steget jobbar me med samane. Her er nokre bilete frå stasjonsarbeid. Gruppa er delt i fire. Ei gruppe lagar stalloar, ei anna lagar posar til å ha i beltet. Tredje gruppa skriv og teiknar til temaet, mens den siste gruppa lagar figurar.

Tekst & foto: Brita Flatøy

7.februar 2005

Matematikkdagar

Måndag 7. februar har småskulesteget hatt matikkdag. Elevane har arbeidd med teoretiske og praktiske oppgåver både ute og inne. Det har vore stor aktivitet på heile skulen.
Du finn bilete på 'matematikkdag-sida' vår>>

Tekst & foto: Kari Almås

 

7.januar 2005

Flotte gåver

På måndag brann huset deira ned og på fredag fekk Kristian, André og David flotte trøystegåver frå venene sine på Sagvåg skule.
Det var foreldra til elevane på 1., 2. og 4. årssteget som ville gje dei tre gutane ei gåve etter den triste starten på det nye året.
Du finn bilete av overrekkinga av gåvene på biletsidene til 1.årssteget>>, 2.årssteget>> og 4.årssteget>>


 

Tekst & foto: Lars Bakka

16.desember 2004

Tur i skogen

Onsdag 15.desember var tredje og fjerde steget på Sagvåg skule i skogen vår og kokte suppe og laga fuglemat av solsikkefrø og smolt. Elevane koste seg i skogen i det fine veret, og suppa var kjempegod.

Tekst & foto: Gro, Maren og Brita 

 

2.desember 2004

1.steget og 4.steget samarbeider

På 1. og 4.steget har me hatt høgtlesing frå nokre av bøkene til Roald Dahl. Etterpå har me arbeid saman om å skriva eigne bøker. No skal me illustrera bøkene.


Tekst: Aasne H. Vikanes

 

19.november 2004

Magedans på Samfunnshuset!

Elevane frå 1. til 4-årssteg fekk oppleva Sirkus Xianti på Samfunnshuset fredag 19.november. Elevane på 3.steget fekk vera med på framsyninga. Du finn fleire bilete her>>

Tekst: Lars Bakka 

  

Bilete frå praksis på 4.steget

 

27.oktober 2004

Aksjonsdag

Onsdag 27.oktober var det aksjonsdag til til inntekt for Forutprosjekt på Sri Lanka. 3.årssteget hadde ansvar for kafeen og 4.steget hadde ansvar for loppemarknad og boksal.

Takk til alle som støtta!

 

21.oktober 2004

På biblioteket.

Sjølv om me har eit godt bibliotek på Sagvåg skule, er det alltid kjekt å vera på bibliotekbesøk på Litlabø. Her er det mange bøker som me ikkje har på skulen.

Ein annan ting som er ekstra kjekt med Litlabø, er at der er Kari Bolette. I dag fortalde ho eit spennande eventyr frå Afrika til oss.

Dersom de har hug til å låna bøker på Litlabø, er opningstidene tysdag kl 13.00-15.00 og 16.00-19.00, og fredag kl 16.00-19.00.

Brita

 

4.oktober 2004

Koseleg besøk på 4.årssteget

To små- og ei stor kanin klappa og koste me med i dag. Det var faren og veslebroren til Stian som kom innom med kaninene deira. Det såg ut som om både elevar og kaniner hadde det fint.

Brita

Foto: Sigve Moss & Brita Flatøy

 

29.september 2004

Matpakkeveka 2004

I veke 39 var det matpakkeveke ved Sagvåg skule. Her finn du nokre bilete frå veka>>

 

 

23.september 2004

Godt arbeid på 4.steget!

Her kjem nokre bilete som viser litt av det gruppa jobba med denne torsdagen.

Nokre er forfattarar og skriv bøker på data. Det kjem til å bli spennande saker. Andre reknar eller skriv og teiknar i engelskboka. Fotballbanen er full av hol etter alt regnet. Den må fiksast, og elevane har lånt trillebåre, spade og rive.

Brita

 

 

Med Sagvåg skule til fjells

Onsdag 8.september var heile skulen til fjells. Dei store elevane gjekk Kattnakken, dei yngste var med til bommen.
Det var mange blide fjes å sjå i det flotte haustveret.

Du finn fleire bilete frå turen her>>