7.klasse  

Oppdatert 
21.09.06

Fagsider>>

Velkomen til 2.klasse 02/03 !
- Heimesida til 1.-3.klasse er først og fremst laga med tanke på dei vaksne -

Klassestyrarar: Brita Flatøy   britafl@online.no

17.06.03 
2.klasse på sjøvettkampanje

Fredag 13.juni var 2.klasse på Leirvik. KNM Hitra låg til kai, og klassen fekk opplæring i godt sjømannskap. Det vart kurs i livberging og i varsling. Det vart ein kjekk dag for alle!

Brita

Klikk på bileta for å sjå større versjon:

14.05.03 
Endå ein flott tur for 2.klasse.

I dag har klassen vår vore på Vikanes hos David. Me fekk halda kyllingane hans og klappa og mata lamma. Mamma til David hadde bakt kringle og  kokte kakao til oss. Stafettløp med premiar til alle var det og. Kva premien var? Jo, eit egg til kvar frå hønene til David. Ein flott tur!

Brita.

10.04.03 
1.,2.,3. og 4.klasse til Rukjen

Onsdag 9.april var heile småskulen på tur til Rukjen. Me hadde ein kjempekjekk dag i det flotte vårvêret.
Gro og studentane hadde laga ei kjekk naturløype med ti postar. Elevane vart delet i grupper på tvers av klassane. Alle elevane gjekk heile løypa. Etterpå kosa me oss med pølsegrilling, klatring i trea m.m.
Pølsene vart kjøpte for pengar som var til overs frå den samlinga me hadde i Litlabø samfunnshuset før jul.

               Alle lærarane & studentane i 1. til 4.klasse

[Klikk på bileta for å sjå støre versjon]
 

08.03.03 
Til Bjønvik med 1. og 2.klasse

1. og 2.klasse var på tur til Matias i Bjønvik i dag. 
Han har 6 nydelege kaninungar som me fekk kosa med. Mamma til Matias steikte lappar til heile gjengan.
Gjett om me har hatt ein kjekk dag!

24.02.03 
På glattisen

Fredag 21.februar var 1.- og 2.klasse på skeisebanen på Vikahaugen.
Me hadde ein flott dag. Heile gjengen kosa seg på isen. Det var mange andre klassar der og, men det gjorde ingenting.

Det var god plass til alle!

Brita, Annbjørg og Gro

20.11.02
Uteskule
1.- og 2.klasse har hatt uteskule i Rukjen i dag. I det flotte haustveret leika me og koste oss. På stormkjøkenet koka me kjempegod grønsaksuppe.

Brita Flatøy

07.10.02
Verkstad i 1.- og 2.klasse 

I fire veker skal 1.- og 2.klasse ha verkstad saman om måndagane.  Då deler me klassane i grupper. Elevane arbeider på fire stasjonar:   1. Klossegruppe  2. Leiregruppe  3. Mjuke materiale  4. Harde materiale.  Elevane storkosar seg når me arbeider på denne måten.

01.10.02
Arbeidsprogram i 2.klasse

Her finn du nokre glimt frå 2.klasse. Denne dagen arbeidde klassen med arbeidsprogram. 

26.09.02
Samarbeid med folkebiblioteket

Grunnskulane i Stord har eit godt samarbeid med folkebiblioteket, og elevane ved Sagvåg skule har også i haust vore på vitjing til bibliotekfilialen på Litlabø. 
Her er det 2.klasse som får oppleva eventyrstund med Kari Bolette Lundal 

Peik på bileta for å sjå dei større>>
 

 Tema i 2.klasse 2002/2003                                 [Sjå også 2.klasse 01/02>>]