Plantefarging med lav
Oppskrifter med:
Lav
Garnfargen vert brun
eller gulbrun.
Lav kan samlast heile året, og er enklast å samla når dei er våte. Finn du grå lav, lik den vi brukar på kransar, kan du berre gå forbi. Denne gjev nesten ikkje farge.
· Til 50 gram garn treng du 200 gram frisk lav.
· Bland lav og garn i kokekaret.
· Fyll opp med vatn slik at garn og lav flyt.
· Ha i 20 gram alun.
· Set kokekaret på plata og varm opp til 90 *C.
· La fargebadet halda temperaturen i eit par timar.
· Set kokekaret i varmeskap eller ta det med i klasserommet
og pakk det inn i avispapir og eit teppe.
· La det stå slik eit par dagar.
· Ta garnet opp av kokekaret, skyll og vask det.
Ein lavart som heiter korkje kan gje raud farge dersom han vert fukta med urin. Dette er ikkje noko vi ønskjer å arbeide med saman med elevane. Men dersom du skulle få lyst på eiga hand, er dette mogeleg.
Sist oppdatert 20.11.04 av Toril Sandvik Bruket