Generelt om plantefarging
Generelt om plantefarging
Oppskrifter med:
Bruk rein ny ull i naturkvitt, dette kan du kjøpa i
garnbutikk. Også
uspunnen
ull kan brukast, men då må ho vera fri for feitt og smuss.
Dei fleste plantene vi gjev oppskrift på bør samlast før vi går inn i september månad. Då gjev dei best farge. Lyngplanter bør samlast like før dei blømer. Vi meiner det er viktig å samle plantene saman med elevane, slik får dei eit heilskapsinntrykk av fargeprosessen.
Dei plantene vi gjev oppskrift på gjev garnet farge i ulike gulnyansar, bortsett frå lav, der fargen vert brun eller brungul. Dersom du vil ha andre fargar, kan du klikka deg inn på ”linken” *Korleis få andre fargar?
Dette utstyret treng du:
Kokekar (emaljert eller stål, fig. 2) stort nok til at det er plass til garnet, planta og vatn.
Tresleiv eller rørepinne.
Plastbøtte til å vaske garnet i etter farging.
Plastskei til å måla opp kjemikalier.
Termometer som måler opp til 100 *C. (Dette er ikkje heilt naudsynt, men greit å ha)
Garnet, som skal vera bunde saman i ei hespe (sjå fig.1), må på førehand bindast saman, slik at det ikkje løyser seg opp under farginga. Vi ynskjer ikkje å ha etterarbeid med ein garnvase.
Sist oppdatert 20.11.04 av Aasne H. Vikanes
Illustrasjonen kan forstørrast ved å klikka på han.