Elevråd Sagvåg skule 2005/06

Siste sak i elevråd finn du alltid her>>

REFERAT FRÅ ELEVRÅD
 

 

 

 

Møte nr 7                onsdag 24.mai 2006                             2005/06
 

Referat frå elevråd  

Innspel til dei nye trivsel og ordensreglane.

5 steget

  • Snøballkasting på bergveggen
    Svar frå rektor: Det er OK

  • Ein plass der me kan laga snømenn utan at dei vert øydelagt.
    Svar frå rektor: Ein bør ikkje øydelegge snømenn som andre har laga uansett kor dei står.

  • Me ønskjer å ha ein fast akebakke.
    Svar frå rektor: Ja, kva med stien ned mot skulen frå rundtløypa?

  • Ikkje lov å springa inne.
    Svar frå rektor: Ja, det er ein regel som kanskje bør vera med også skriftleg

  • Ikkje lov å baksnakka andre.
    Svar frå rektor: Ja, det er ikkje lov. Men må det vera med i trivselsreglane?

  • Ikkje lov å mobba andre.
    Svar frå rektor: Einig

  • Ikkje lov å plaga andre sjølv om dei er annleis enn oss.
    Svar frå rektor: Ja

7steg

  • Me har lyst til at det skal vera meir å gjera på i friminutta.
    Svar frå rektor: Ja, som det veit så er skulen så ny at ikkje alt er på plass ute. Kanskje kan overskotet frå 17.mai føra til at me kan kjøpa nokre fleire kjekke ting

 

Melodi  grand prix fredag 9 juni

Det er ikkje lenge til så no må ein byrja med øving dersom ein skal vera med.

I fjor delte me inn i desse kategoriane:

  • Sketsjar/leik

  • Song/dikt

  • Mime/dans

  • Instrumental
     

  • Innslaga må vera klare ca. ei veke før framføring.

  • Elevrådet lura på kven som skulle vera programleiar

 

Sommarfesten onsdag 14 juni

I år vert det ikkje gjentaking av melodi grand prix innslag på sommarfesten.  På sommarfesten får 1 – 4 steget ca. 15 minutt til framføring og 5 -7 steget det same. Teama  må  i saman med elevane arbeida fram eit program til dette.   Me skal ha nokre fellessongar.

Saker frå klassane

1 steg og 3 steg

  • Me treng bosspann ute.
    Svar frå rektor: Ja, eg skal kjøpa eitt ved kvar av dei tre garderobedørene.

4 steg

  • Når mellomsteg og småskule sluttar på likt er det mange som syklar fort og det har vore fleire gonger at dei små nesten har blitt påkøyrd.
    Svar frå rektor: Det bør det bli slutt på!

  • Me ser at mange syklar til skulen med hjelmen på styret og at dei tek den på seg når dei nærmar seg skulen. Det er og mange som syklar på hovudvegen ikkje på gang og sykkelstien.
    Svar frå rektor: Det overraskar meg! Alle som syklar har skriftleg sykkelavtale med rektor og foreldra!

5 steg

  • Me kan kanskje få lov til å sykla i løypa i friminuttet nokre dagar.
    Svar frå rektor: Eg veit ikkje om det er så lurt....

  • Me har lyst å ha karneval på skulen.
    Svar frå rektor: Til no har me hatt stort karneval i februar kvart skotår. Vil elevrådet ha kvart år?

  • Det er fullt i sykkelstativet kvar dag, kan me få eit sykkelstativ til ?
    Svar frå rektor: Dei som har sykkelstøtter kan god sette sykkelen på andre sida av stativrekkja, det gjer eg.

  • Kva tid kjem klatreveggen ?
    Svar frå rektor: Det er dette med økonomi dette og. Me får sjå kor mykje me får frå FAU etter 17.mai

  • Det er mange som sparkar på smashballane.
    Svar frå rektor: Dårleg gjort. Smashballane er dyre og berre til å slå på

  • Det hadde vore kjekt dersom me kunne saga ned nokre tre og buskar oppe i haugen, då kunne me ha leika der.
    Svar frå rektor: Ja.....kan dei i 5. som har foreslått dette vise meg kor dei meinar!?

  • Me vil veta kvar grensa til skuleområde er.
    Svar frå rektor: Det får de vite på aktivitetsdagen i juni! Då vert det orienteringsløype i HEILE skogen!!

7 steg

  • Kan me få nytt slåballutstyr?
    Svar frå rektor: Ja. Kva type kølle? Rund?

  • Nett rundt ballbingen ?
    Svar frå rektor: Nei, dette er standard. Øv på å treffe mål ;-)

  • Mål på handballbanen ?
    Svar frå rektor: Ja, me skulle få av Solid når dei tok ut handballmåla i Idrettshallen på Litlabø.

  • Slenga i skogen ?
    Svar frå rektor: Nei, me kan berre ha godkjent leikeplassutstyr

  • Underlaget i ballbingen er ujamt, vil det bli betre ?
    Svar frå rektor: Det skulle visst meir sand på. Eg skal undersøkje dette.

  • Kan me få oppmerking i ballbingen ?
    Svar frå rektor: Det trur eg nok ikkje det skal vera i slike bingar....

  • Basketkorger rundt på handballbanen ?
    Svar frå rektor: Ja, det kan me kanskje få til.

 

Skrivar:
Gro Akselsen Halvorsen 
-elevrådskontakt.- 
 gro.akselsen.halvorsen@stord.kommune.no

Svar frå:
Lars Bakka 
-rektor-
 lars.bakka@stord.kommune.no

Møte nr 6                 onsdag 25.april 2006                             2005/06
Referat frå møte i elevråd

Det vert møte i elevråd onsdag 25 april , klokka 08.45  Møte var på Bleikjo

Me gjekk i gjennom referatet frå førre elevråd

Saker frå stega:

1 steget

  • Kan me få eit klatrestativ på nyeskulen ?
    Svar frå rektor: Det skal lagast ein plan for arbeidet med uteområdet. Me får sjå kva som kjem med der.

  • Det kan kanskje stå litt oppe haugen. Viss me ikkje har pengar kan foreldra gjerne få inn pengar på 17 mai.
    Svar frå rektor: God ide !

  • Det hadde vore fint med paradisas ute på hellene.
    Svar frå rektor: Me kan godt bruka kritt no i vår!

  • Kva tid tid kjem sklia frå gamleskulen ?
    Svar frå rektor: Ho kjem denne våren

  • Kan me få lengre friminutt ?
    Svar frå rektor: Då måtte me ha vore lengre på skulen. Problemet er då at det vert problem for dei som skal ta buss. Elles er de på 1.steget er ganske mykje ute når de har uteskule kvar onsdag!

2 steget

  • Me ynskjer klatrestativ ute.
    Svar frå rektor: Det skal lagast ein plan for arbeidet med uteområdet. Me får sjå kva som kjem med der.

  • Me har lyst på ein sandkasse til, det er så mange ungar  i den me har.
    Svar frå rektor:     Det skal eg også ta med meg i planlegginga.

 3 steget

  • Me ynskjer klatrestativ, slik som me hadde på gamleskulen.
    Svar frå rektor:     Sjå svara over!!  ;-)

 4 steget

  • Kan ein spela handball og basketball i ballbingen ?
    Svar frå rektor:     Ja. Når kunstgraset kjem vert det endå lettare å spela handball og basketball der!

  • Kan me få nokre reiler? Me hadde gleda oss til å få fleire reiler når me skulle på ny skule.
    Svar frå rektor:     Har det framlegg til kor dei bør stå?

  • Kan me bruka sparkesykkel på skulen ?
    Svar frå rektor:     Ja, då MÅ me ha reglar om kor dei kan brukast og alle må bruka hjelm. Me kunne t.d. kjøpt inn 4 sparkesyklar til skulen.

  • Kan me få nye handballar og fotballar ?
    Svar frå rektor:     Ja, då vil eg ha levert inn dei øydelagde så får de ny i retur

5 steget

  • Kan me sykla i friminuttea ?
    Svar frå rektor:     Nei, det går nok ikkje. Sorry

  • Kan me ha ein fotballdag for alle  i 5 – 7 steget ?
    Svar frå rektor:     Det må de ta opp med lærarane. Det vert fotballdag me Tjødnalio og Litlabø i mai!

  • Skal balansestokken stå stille eller gå rundt ?
    Svar frå rektor:     Gå rundt

  • Minner om at me treng mjukt underlag under dei nye leikene ute.
    Svar frå rektor:     Ja, det kjem no i mai

  • Kan me få heller over plenen utaføre mellomsteget ?
    Svar frå rektor:     Ja, noko må det bi. Me får sjå. De må vera greie å ikkje gå på planen no i vår!!

  • Kan me få fleire leiker ute ?
    Svar frå rektor: Det     kjem meir etter kvart.

  • Skoa våre får ikkje stå i fred i garderoben.
    Svar frå rektor:     Dumt! Ta det opp med alle årsstega!

  • Kva tid får me sjakkbrett ute ?
    Svar frå rektor:     Når det vert tørt ute

  • Kan me få paintball ?
    Svar frå rektor:     Det hadde vore tøft, men nei...sorry  ;-)

  • Beskyttelse på smashball ?
    Svar frå rektor:     Eg skifte feste i dag. Korleis er det no??

6 steget

  • Me har lyst til at 5,6 og 7 har felles fotballdag på torsdagar og fredagar
    Svar frå rektor:     Ta det opp med lærarane

7 steget

  • Har lyst på felles fotballdag på torsdagar og fredagar
    Svar frå rektor:     Ta det opp med lærarane. Egil er teamleiar for 5.-6 og 7.steget

 TRIVSEL OG TRYGGLEIK

 Me såg på den gamle visjonen :

Alle ved Sagvåg skule er trygge og trivest.
Me viser omsorg for-, og tek vare på kvarandre.
Miljøet er kreativt og inkluderande, og gjev rom for sjølvstende.

  • Elevrådet synest at me må ha dei to første linjene, men at ein kanskje kunne finna ein annan måte å skriva det som står i den siste linja, det var litt vanskeleg å forstå.

    Kommentar frå rektor: Kan visjonen vera så enkel?:
    Vår visjon er at:
    Sagvåg skule skal gir eit trygt læringsmiljø
     

Reglar for trivsel og tryggleik:

  • Me finn at reglane er bra.

  • Nummer 3 går ut fordi me har ikkje midttime lengre.

  • Me vil ha eit punkt der me skriv kva me skal gjera dersom nokon vert mobba:
    - Dersom nokon vert mobba må me hjelpa til slik at det vert slutt på dette.

  • Det var litt vanskeleg å komma på nye ting, men dersom årsstega får referatet og les det opp i saman kan kanskje dei komma på noko viktig.

  • Me har lyst til å skriva noko om at me må ta godt vare på den nye skulen vår, og korleis me skal vera med kvarandre i friminutta.

 

Gro & Lars

 

PS!

Her er dei gamle reglene:

Reglar for trivsel og tryggleik ved Sagvåg skule

  1. Me er greie med kvarandre.
  2. Me hjelper til med å halda skulen rein og fin.
  3. Me er rolege i midttimen.
  4. Me tek vare på det som veks, og på utstyr både inne og ute.
  5. Alle får vera med å leika, og me seier fine ting til kvarandre.
  6. Me held oss på skuleområdet i skuletida. Turar, ekskursjonar o.l. er unnateke.
  7. Snøball kastar me på blink der me har lov.
  8. Er nokon borte frå skulen, må dei ha melding i meldeboka så snart råd er. Treng nokon fri, spør dei om det på førehand. Bruk meldeboka.
  9. Brot på ordensreglane og uhøvisk framferd kan føra til bortvising frå klassen, d.v.s. til rektor. I slike høver vert ofte også foreldra kopla inn.
  10. Dersom me får lov heime kan me sykle til skulen frå den hausten me tek til i 5.klasse. Me fylgjer sjølvsagt trafikkreglane og alle skal bruka hjelm

 

Skrivar:
Gro Akselsen Halvorsen 
-elevrådskontakt.- 
 gro.akselsen.halvorsen@stord.kommune.no

Svar frå:
Lars Bakka 
-rektor-
 lars.bakka@stord.kommune.no

Møte nr 5                 onsdag 22.februar 2006                             2005/06

Referat frå møte i elevråd

Saker frå klassane:

1.steget

Ynskjer utaføre Eirikesteinen:

Reiler, klatrestativ, ribbevegg, klatrehus, hytta, leikebåt, klatresteinar, ferja, hus, leikebil, sandkasse.
Svar frå rektor: Takk for flotte innspel. Til våren må me sjå om me ikkje kan klare å få noko av dette på plass. Dette vert sak i elevråd seinare.

Dei store går på plenen bak politibanda.
Svar frå rektor: Eg håpar at det er slutt på det no. Eg har snakka med alle på mellomsteget om dette.

3 steget:

Det bør vera mjukare underlag under dei nye balansesoppane, me slår oss når me dett ned.
Svar frå rektor: Ja, det kjem når snøen er borte!

Vippa fer heilt ned på grusen når me sit på den.
Svar frå rektor: Ja, kanskje vippa ikkje bør brukast av store elevar i 3.? Vippene passar kan hende best for elevar på 1.steget....

Balansebommen snurrar litt og så stoppar den. Me vil at den ikkje skal stoppa.
Svar frå rektor: Eg kan ta litt olje på han.

4 steget:

Det bør vera mjukare underlag rundt balansebom og andre nye leiker.
Svar frå rektor: Det kjem ja! Flott at også de melder frå!

Me synest at det kan vera ein benk og bord utaføre Eirikesteinen
Svar frå rektor: Ja, det var kanskje ein god ide. Skal sjå nærare på det når me skal kjøpa inn nytt utstyr til våren.

 

5 steget:

Forslag utaføre Eirikesteinen:

Reiler, benk til å sitja på og ein balansebom til.
Svar frå rektor: Eg tek det med i planane

Me ynskjer ei slenga i skogen.
Svar frå rektor: Ja, det må me prøva å få til....skal sjå på det til våren

Og ein rutsjebane.
Svar frå rektor: Ja, den raude rutsjebanen frå skogen på gamleskulen skal flyttast!

Klatreveggen kan vera på bergveggen utaføre storskulen eller 3 og 4 steget sin garderobe.
Svar frå rektor: YES! (Det vert nok slik, eller bergveggen ved 5.-7.st-garderoben...)

Kan me få vera og leika på skuleplassen etter skuletid ?
Svar frå rektor: Det er slik at SFO "eig" skulen fram til kl 16.00, men etter det er det velkomne!!

Kan me sykla løypa i skuletida ?
Svar frå rektor: Snakk med kontaktlærarane om det.

6 og 7 steget øydelegg sperrebanda.
Svar frå rektor: Det er teke opp.

Me ynskjer ein lavo i skogen.
Svar frå rektor: Flott! Elevrådsrepresentanten i 5. tek kontakt med meg så kan me sjå nærare på korleis me skal gjere det!!

6 steget:

Kva tid får me handballstriper ?
Svar frå rektor: Når det vert vår . (april/mai). Då kjem det også 2 stk handballmål ute.

Det er nokon i 7 steget som tek fleire frukt frå Vikanes som ikkje er deira.
Svar frå rektor: Det må det bli slutt på :-(

7 steget:

Me treng beskyttelse  rundt ringen som smashballen er festa i , det gjer så vondt når me treff den.
Svar frå rektor: Det hadde eg gløymt! Takk for påminninga, skal fikse det!!

Kan me få kantine ?
Svar frå rektor: Kanskje det ja. Elevrådrepresentant i 7. bør ta kontakt med meg om det!
Møte nr 4                  onsdag 25.januar 2006                             2005/06

Referat frå møte i elevråd onsdag 25 januar

Elevrådet gjennomførte sitt første møte på ” Bleikjo”

 

Alle stega var representerte. Rektor var med på møte.

Saker frå årsstega:

 

3. steget:

Skal sjakkbrettet vera ute  eller inne ?
Svar frå rektor: Det skal målast sjakkbrett på hellene ute til våren. Førebels har me det store sjakkbrettet inne i Stokksund. Det er flott om elevar som får tid til det kan spela litt sjakk. Me kan ha sjakk-kurs for dei som ikkje kan. Tøft med så stort brett ;-)

 

Skal det vera reglar for kva for klasse som skal bruka smashballane ?

Svar frå rektor: Nei, me prøver utan reglar i starten, men me bør gjere det slik at kvar elev får ein omgang før ein byter. 

 

4. steget:

Det er kaldt i gym-garderobane og  i dusjane.
Svar frå rektor: Ja, eg har merka at det har vore litt kaldt vatn av og til. Eg har meldt frå om dette. Når det gjeld temperaturen i enkelte rom så vert det arbeidd med det. Denne helga vert ikkje temperaturen skrudd ned laurdag og søndag slik at det ikkje vert så kaldt som det har vore dei to siste måndagane.

 

5 steget:

Det er mange som går over vegen, ikkje i undergangen. (mange er elevar frå 7 steget)
Svar frå rektor: Ja, det har me skrive brev om heim til alle. Dei elevane som no ikkje nyttar undergangen under riksvegen vil etter kvart få eit eige møte med foreldra og rektor!

Elevar frå 6 steget går opp på fjellet.
Svar frå rektor: Det hadde vore flott om kvart årssteg vart einige om kor dei får lov til å gå. Det bør vera forskjell på 1.steget til 7.steget. Dette bør årsstega drøfta.

Elevar i småskulen klatrar på murveggene ved skulen.
Svar frå rektor: Det er det ikkje lov til.

Vert det klatrevegg ?
Svar frå rektor: Ja, plasseringa av denne vert drøfta i elevråd seinare. Flott om årsstega kom med framlegg!

 

6 steget:

Kan ein få store klokker i fellesareal ?
Svar frå rektor: Ja, det kjem ei klokke i Rukjen og ei i Vikanes.

 

Kan me få toastjern ?
Svar frå rektor: Kanskje elevane på årssteget som vil ha tostjern kan spleisa. Det vert ikkje mange kronene på kvar.....

 

 

Alle gjekk ut på synfaring for å sjå kvar ein kan plassera ulike leikeapparat.

  • Det er behov for ein sandkasse til. Den kan plasserast i kroken ved garderobane til 1 og 2 steget og Utslettefjellet. Den treng ikkje vera så stor, men litt avlang i fasong, slik at den passar til kroken.
     

  • Utføre Dyvikesåto vert det plassert ballansesoppar og ein ballansebom.
     

  • På hjørna utaføre Dåvamyro vert truleg rutsjebanen frå skogen ved gamleskulen plassert.
     

  • Rektor spør dei ulike stega om det er ynskjeleg med ein sandkasse, eller noko anna leikeapparat i kroken utaføre Eirikesteinen. Her er det ein flott krok der ein sitja under tak, og mest ikkje bli våt.  Flott om dette vert drøfta på årsstega før neste elevråd!
     

  • Elevrådet er ikkje heilt sikre på korleis ein skal bruka det asfalterte område ved sida av ballbingen. Ein vil som ei prøveordning ha ein handballbane nærast skogen/bossdunkane. Då vert det plass til å sparka fotball ved sida av, men det kan bli konflikt mellom handhallspeling og fotballspeling, difor altså ei prøveordning

 

Skrivar:
Gro Akselsen Halvorsen 
-elevrådskontakt.- 
 gro.akselsen.halvorsen@stord.kommune.no

Svar frå:
Lars Bakka 
-rektor-
 lars.bakka@stord.kommune.no


Planen etter møtet i
elevrådet 25.januar 2006

   Møte nr 3

onsdag 23.november  2005

2005/06 

Referat

Rektor kom og informerte om tiltak som skal gjerast for å få eit betre skulemiljø.
Elevrådet vart orientert om dette referatet frå lærarane på team 5.-7.
Dette gjeld elevane i 5. til 7.steget. Dette at skulen ikkje opnar dørene før skulsstert kl 08.30 gjeld alle.
Referat frå teammøte 5.-7. onsdag 22.november 2005

På grunn av ulike hendingar som har kome fram i lyset den siste tida, ynskjer mellomstegteamet å iverksetja fylgjande tiltak fom. torsdag 24. november og fram mot jul:

Mellomstegelevane får ikkje koma inn før kl. 08.30 om morgonen.

Dette er på grunn av at det har førekome ein del hærverk på skulemateriell, og at enkelte elevar brukar for lang tid på å riva seg laus frå datamaskina, og undervisninga kjem sein i gang.

Dette medfører at me må gå attende til det som var utgangspunktet for morgonvakta, nemleg at denne er ute.

I elevane sin luftepause kl. 10.00 vert det sett opp liste over kven som er ansvarlig vaksen ute. Me må vera strengare på at alle elevane er ute denne tida.

Alle elevane et kl. 10.45-11.00, medan læraren les til dei eller liknande. Elevane skal sitja fint på sin plass og eta. Alle skal heilt ut kl. 11.00.

Me kuttar ut aktiviteten i gymsalen i pausen.

Dette er bla. fordi me har fått klage frå reinhaldarane på at det ligg matrestar i gymsalen, enkelte elevar kjem for seint til timen etter å ha vore i gymsalen, og det har vore ein del tull og tøys blant enkelte elevar.

Me vil ha eit ekstra fokus på korleis me snakkar til kvarandre, men har ikkje konkrete tiltak på dette området.

Me ynskjer innspel frå rektor om korleis han kan koma meir aktivt på banen i forhold til enkelte elevar som med språk, grimasar og kroppsspråk stadig sender negative signal til medelevar og vaksne.

Teamleiar 5.-7.
Egil Petterteig

 Gjennomgang av førre møte sine saker med svar frå rektor.

Saker frå klassane:

1 steget:
Det er nokon i 1 steget som går opp til 6 steget (fadrane) utan at dei har lov.
Svar frå rektor: Fint om de gjer avtale om dette slik at det ikkje kjem elevar frå 1.steget heile tida.

2 steget:

  • Det er mange som pressar seg inn 2 steg si inngangsdør når dei skal gå inn.Det er nokre elevar frå 3 steg og nokre store.
    Svar frå rektor: Eg trur at tiltaka som står i brevet over kan hjelpe på dette også.

  • Nokon i 2 steget har sett at det er nokon store som har kasta sjokoladepapir ute.
    Svar frå rektor: Det er ikkje lov til å ha snop på skulen

3 steget:

  • Det er ofte elevar frå storskulen som bankar på og spør etter ballen vår. Det må dei slutta med.
    Svar frå rektor: Eg trur at tiltaka som står i brevet over kan hjelpe på dette også.

  • Nokon store har stått på brua og kasta snøball mot vindaugaet til 3 steget då det var snø.
    Svar frå rektor: Snøballkasting er heller ikkje lov.

5 steget:

  • Småskulen må ikkje ta storskulen sin ball.
    Svar frå rektor: OK

  • 7 steget må ikkje ta med ballen inn før 5 og 6 steg er ferdig med pausen.
    Svar frå rektor: No veit 7.steget det!

  • Me har lyst til å sykla til bading når me kjem på den nye skulen.
    Svar frå rektor: Ja, det skal me snakka meir om for elevane i 5. og 6.steget. Det er tid å spare på å sykla!

6 steget:

  • Skal me ha trivsel og tryggleikundersøking i år ?
    Svar frå rektor: Ja, undersøkinga kjem som vanleg i januar/februar.

Skrivar:
Gro Akselsen Halvorsen 
-elevrådskontakt.- 
 gro.akselsen.halvorsen@stord.kommune.no

Svar frå:
Lars Bakka 
-rektor-
 lars.bakka@stord.kommune.no

   Møte nr 2

onsdag 27.september 2005

2005/06 

Referat

Val av elevrådsleiar:

  • Johannes Sørli Vikanes

  • Lilly Marie  M. Vaage er vara

  • Ny representant frå 2 steget er Malin Rolfsen

 

Saker frå klassane:

3 steget:

  • Storskulen skyt ballar opp på veggen og vindauge når me er i klasserommet vårt.
    Svar frå rektor: Hallo storskulen! Det må det bli slutt på!

4 steget:

  • Ein bør går inn den døra som ein skal. Det er mange som går inn i midten.
    Svar frå rektor: Ja, det mør de ta opp på alle årsstega. Berre 3.steget nyttar midtdøra!

  • Klokka ringer for lavt. Me høyrer ho ikkje alltid !
    Svar frå rektor: Vert kanskje betre i ny skule. To ringeklokker skal reparerast.

5 steget:

  • Når det er 5 steget sin dag på fotballbanen kjem 7 og plagar.
    Når det er felles fotballdag  bannar  6 og 7 steget.
    Dei seier at dei i 5 steget er dårlege til å sparka fotball.
    Svar frå rektor: Berre dei som har fotballbanen er der!! PASS PÅ SPRÅKBRUKEN!!

  • Elevar i 7 steget mobbar elevar i 5 steg ofte.
    Svar frå rektor: Mobbing er alvorleg. Eg skal snakka med lærarane om kven dette er.

  • Storskulen må jobba i mot mobbing. Dei største må bli snillare.
    Svar frå rektor: FLOTT! Dette må bli sak på lærarteamet til 5.-7.steget.

  • Vert det drikkefontene på den nye skulen ?
    Svar frå rektor: Nei, men drikkekranar inne.

  • Får me taubane på den  nye skulen ?
    Svar frå rektor: Det får me håpa. Det er laga plan for det.....

6 steget:

  • Småskulen bråkar utaføre vindauget når dei har pausar.
    Svar frå rektor: Flott om småskulen ikkje er under basketkorga bak skulen.

  • Kan me få toastjern på den nye skulen ?
    Svar frå rektor: Nei, er litt redd for brann.

  • Kan me få eit nytt Pappatre på den nye skulen ?
    Svar frå rektor: Ja, det bør me få til :-)

7 steget:

  • Går det an å få fotballdag for alle kvar dag ?
    Svar frå rektor: Kanskje på den nye skulen....?

 

Skrivar:
Gro Akselsen Halvorsen 
-elevrådskontakt.- 
 gro.akselsen.halvorsen@stord.kommune.no

Svar frå:
Lars Bakka 
-rektor-
 lars.bakka@stord.kommune.no

   Møte nr 1

onsdag 1.september 2005

2005/06 

Referat

Desse er med i elevråd skuleåret 05/06

  • Mathias Petterteig 1 steget

  • Liv Ingunn Strømsnes 2 steget

  • Emil Gundersen 3 steget

  • Emilie Eriksen 4 steget

  • Simon Helland 5 steget

  • Lilly Marie M Vaage 6 steget

  • Johannes S Vikanes 7 steget

  • Val av elevrådsleiar er vanskeleg i dag fordi det mangla representantar frå 6 og 7 trinn.

  • Val av leiar og vara vert difor utsett til neste møte.

Saker frå stega:

5 steget

  • 7 steget sparkar sand og hiv vatn når me er i sandkassen.
    Svar frå rektor: 7.steget!? Dei største elevane på skulen vår. Nei, dette MÅ det bli slutt på!

  • Banning på fotballbanen vil me ha slutt på ! Dette gjeld 6 og 7 steget.
    Svar frå rektor: Yes!! Få slutt på det!

  • Det veks planter i trappa ved brua i skogen. Då vert det glatt å gå.
    Svar frå rektor: Ja, eg har sett det. Eg skal be vaktmeisteren få det vekk!

6 steget

  • Me vil ha dansetimar i friminutta.
    Svar frå rektor: Kanskje dersom det vert bruk av gymsalen i pausetida i haust/vinter.

  • Kan me ha avskjedsparty for storskulen når me skal flytta ?
    Svar frå rektor: Ja, det var ein god ide. Kanskje 6.steget vil vera festkommitè?..

  • Kan me ha handballturnering ?
    Svar frå rektor: Det går fint det, men me må ha turneringa på den grusbanen me har idag. Kanskje ei turnering for mellomsteget? Ta det opp med lærarane på mellomsteget.

 

Skrivar:
Gro Akselsen Halvorsen 
-elevrådskontakt.- 
 gro.akselsen.halvorsen@stord.kommune.no

Svar frå:
Lars Bakka 
-rektor-
 lars.bakka@stord.kommune.no