Møte nr 7  

onsdag 4.juni  2003

2002/03  

Saker frå klassane:

• Er treet med den store slenga i skogen trygg ?
  Svar frå rektor: Sjølve slenga er trygg, men fallunderlaget må me gjera noko med. Kanskje vert de bildekk med sagflis oppi. (Slik det er under den andre slenga)
• Ein kan få ei kjensle av at treet er laust når ein slenger seg i det.
  Svar frå rektor: Eg sal teste. Dersom treet står etter at rektor har slengt seg ER det trygt! Du kan sjå testen her!>>
• Kan alle seia i klassane at ein ikkje må henga på basketballkorga, ho blir så laus. 
  Svar frå rektor: YESSS!!
• Kan me få nett på basketballkorga ?
  Svar frå rektor: Nei, det vert berre endå meir freistande å henge seg opp i korga!

• Er det lov å kasta snop og godteri når ein har ein sketsj i Melodi Grand Prix
  Svar frå Gro: Nei det ikkje er lov, dette har me snakka om før og svaret er nei.

Nytt frå Barne og Ungdomsrådet.

Dei har hatt det siste møtet for dette skuleåret.
No skal enkelte medlemmer vera med og arrangera Sunnhordlandsdagane, sjå på plakaten som heng i vindauget nede i gongen.

Ein hadde ingen kommentarar til desse arrangementa, bortsett frå at fleire sa at dei gler seg.
Kjetil i 7 kl. og Tonje i 6 kl. kan vera ordstyrarar. Les meir om Melodi Grand Prix her>>

Skrivar:
Gro Akselsen Halvorsen 
-elevrådskontakt.- 
gro-hal@online.no   

Svar frå:
Lars Bakka 
-rektor-
lars.bakka@stord.kommune.no

   Møte nr 6

onsdag 30.april  2003

2002/03  

Referat 

Saker frå klassane:

1 klasse
Me har fått nye fine bøtter og siler til å leika i sanden med, men me saknar småbilane ?
Svar frå rektor: Eg skal snakka med Randi Røssland. Kanskje ho han informera i 1.klasse. (Det er ho som har ansvaret for desse innkjøpa.)

3 klasse
Nye nett på fotballbanen ?
Svar frå rektor: Ja det kjem :-)
Grinda går så lett opp, der er irriterande nå me sparkar fotball.
Svar frå rektor: Eg veit det, men eg trur me må leva med det.....

5 klasse
Har lyst til å ha dans fleire gonger i gym.sal fleksitida.
Svar frå rektor: JTa det opp med klassestyraren. Det vert Egil Petterteig som avgjer det. (Han er sjefen for 5.-7.klasseteamet)
Få fleire fleksilappar, (dei berre forsvinn.)
Svar frå rektor: Dette er også ei sak for Egil, men kor blir det av lappane????

Nytt frå barne og ungdomsrådet
Kjetil fortalte litt om korleis dei arbeida i rådet.
Diskoteket hadde vore bra.
Nett no held dei på å diskutera innhaldet i Sunnhordlandsdagane.
Det vil bli arrangert ulike kurs , karate og dans m.m.
Ein leitar etter sponsorar.
Det vil stå meir informasjon i bladet Sunnhordland seinare.

Melodi grand prix (Les meir>>)
Elevrådet synest det er kjekt med Melodi Grand Prix, og vil at me skal kalla det M G P.
Dei eldste i rådet har lyst til å vera med og telja opp stemmene.
Dei som vil vera med bør byrja å tenkja på kva dei vil opptre med.

Sommarfest
Er det fint ver har me lyst å ha scenen ute.
Det er bra å kjøpa vaflar, det vil me fortsetja med.

Mobbing på Sagvåg skule
- Denne delen av elevrådsnotatet er ikkje lagt ut på Internett fordi det står litt for mykje om dei enkelte klassane i referatet. Notatet vert delt ut til alle klassane.

Skrivar:
Gro Akselsen Halvorsen 
-elevrådskontakt.- 
gro-hal@online.no   

Svar frå:
Lars Bakka 
-rektor-
lars.bakka@stord.kommune.no

   Møte nr 5  

onsdag 26.februar  2003

2002/03  

Referat 

Saker frå klassane:

1.klasse
Kan me få beskyttelse for kattar i sandkassen ?
Svar frå rektor: Eg er litt usikker på korleis dette kan gjerast i praksis. Skal me laga ein så høg kant rundt sandkassen at ein katt ikkje klarer å hoppa over, vert det nok problem for dei minste elevane også å komma oppi sandkassen.....

Me treng nye uteleiker. Bilar, spadar, bøtter og siler.
Svar frå rektor: Lage ei liste over det de treng og lever ho til klassestyraren.

3.klasse
Bilhjulet i skogen har ramla ned.
Svar frå rektor: Det skal eg melda frå til vaktmeisteren om

5.klasse
Det går ikkje an å låsa dørene på gute og jentetoaletta.
Svar frå rektor: Dei er i orden no, men det er ikkje gode, og vert stadig vekk reparet.

7.klasse
Kan me få opplæring i å chatta på dataen ?
Svar frå rektor: Ja, mo har de fått det. Kan de ikkje vera greie å senda ut meldingar på chatten berre ein gong. Nokre elevar skriv den same meldinga 40 gonger!

Nytt frå barne & ungdomsrådet.
Det vert diskotek for 5 og 6 klasse på Alcatraz allaktivitetshus 14 mars.
7 og 8 klasse skal ha diskotek 15 mars. Kjetil frå 7 klasse kjem til å vera tilstades begge dagane.
Det vil komma nærare beskjed om klokkeslett 12 mars.

Svar frå rektor: Dette vart avlyst/flytta...

                             Gro Akselsen Halvorsen                         Lars Bakka
                                  -elevrådskontakt.-                                 -rektor-
                                  gro-hal@online.no                      lars.bakka@stord.kommune.no

   Møte nr 4  

onsdag 22.januar 2003

2002/03  

Referat 

Saker frå klassane:

2 klasse

1. Sjekka gjerdet ved grensa i skogen, det er laust og veldig bratt nedaføre.
   - Svar frå rektor: Det skal me gjera. Flott at de melder ifrå!
   

2. Er klatrestativet i sandkassen trygt? Det ristar når me klatrar i det.
   - Svar frå rektor: Ja, vaktmeisteren har skjekka det nøye, og det kan ikkje velta. Det er likevel fint om de ikkje herjar så alt for mykje med det.
   

3. Porten ved fotballbanen bør sjekkast, den er laus.
   - Svar frå rektor: Den vart reparert for ei lita sund sidan. Eg skal sjå på han igjen!
   

4. Dørene på gutadoen kan ikkje låsast.
   - Svar frå rektor: Er de sikre?. Ei var i orden for 2 veker sidan. Eg skal sjå på det.
   

5. Det er mange elevar som heng på fotballmåla, det skjer også om ettermiddagen, då er det ungar frå SFO.
   - Svar frå rektor: Ja, dette bør det bli slutt på. Me kjem til å kjøpa nye nett i vår. Dumt om dei vert øydelagt med ein gong.
   

6. Dei som ikkje har fotballdag må halda seg langt vekke frå fotballbanen.
   - Svar frå rektor: YES!  Meld frå til dei vaksne som er ute når det skjer.
   

7. Det er nokre gutar i 4 klasse som plagar 1 og 2 klasse i friminuttet, dei øydelegg når dei minste lagar ting.
   - Svar frå rektor: Det er dumt! Dette bør det bli slutt på. No har me det slik at berre 1.-2.-3.- og 4.klasse samstundes i matpausen. Dette har me med anna gjort for at det skal bli minder plaging og erting. Gutane i 4.klasse bør lesa dette!!!

4 klasse

1. Porten på fotballbanen, sjå 2 klasse.
   - Svar frå rektor: Eg skal skjekka det!

2. Treet til taubanen i skogen er øydelagt.
   - Svar frå rektor: Flott at de melder ifrå! Det må eg og vaktmeisteren sjå nærare på!!

5 klasse

1. Storskulen må få utefleksitid.
   - Svar frå rektor: På ein måte kan eg vera samd i det. Men hugs at det er skulearbeid som skal stå i fokus i fleksitida. Dersom det vil vera ute bør de gå heim og leika, sparka fotball og anna. Kanskje det er greitt å bruka fleksitida på skulen til å få unnagjort lekser slik at de får meir tid til å vera ute når de kjem heim om ettermiddagen. Når eg no sit og skriv dette er klokka 16:30, og det er framleis lyst ute! De kan alle få fine ettermiddagar ute utover våren om de nyttar fleksitida godt til å få unna skulearbeidet fram til kl 14:00
   

2. Få dansa i fleksitida, for eksempel ein gong i veka i gym.salen.
   - Svar frå rektor: Ja, kanskje det.... som ein "gym-aktivitet". Me har jo "gym-lappar". Snakk med Egil om dette, han er teamleiar for mellomsteget.
   

3. Få nytt bordtennisnett.
   - Svar frå rektor: Ja, eg trur faktisk at eg har eit resevenett liggjande. Kom innom kontoret.

6 klasse

1. Ny grus på fotballbanen
   - Svar frå rektor: Ja, kanskje litt seinare utpå våren. (Me fekk ny sand i haust!)
   

2. Få nye fotballmål og nett.
   - Svar frå rektor: Ja, det kjem i vår.
   

3. Blir det symjebasseng i den nye skulen?
   - Svar frå rektor: Nei, det vert ikkje så mykje lengre veg å gå til Nysæterbassenget, og det er jo no blitt kjempefint !

Til lærarane: 
Det er fint om de les opp referat frå elevråd i klassen og dei som blir bedt om å snakka med rektor gjer det.

Kjetil i 7 klasse snakka om kva dei gjorde på møte i Barne og Ungdomsrådet.

                             Gro Akselsen Halvorsen                         Lars Bakka
                                  -elevrådskontakt.-                                 -rektor-
                                  gro-hal@online.no                      lars.bakka@stord.kommune.no

   Møte nr 3  

onsdag 11.november 2002

2002/03  

1.klasse:
Me har lyst på meir sand i sandkassen ute.
Svar frå rektor:
Ja, dersom det minkar på sanden så skal me ordna med det. (Det kan hende at dette må vente til etter jul)

3.klasse:
Ynskjer større plass rundt slenga i skogen.
Svar frå rektor:
Dersom det er tre som står i vegen så kanskje... Fint om 3.klasse tek kontakt med meg slik at eg veit kva dei meiner!

Fleire av dei eldste elevane tek med seg leiker bort i skogen, utan å ta dei med tilbake att.
Svar frå rektor:
Det er ikkje bra. Dette bør dei store klassane snakka om i klassen når dei gjennomgår dette referatet!

5 klasse:
Tette hola på fotballbanen og i sandkassen.
Svar frå rektor:
Ja, fotballbanen skal me sjå om me ikkje snart får orden på. 
Når det gjeld sandkassen er det vel greitt om det er litt graving..(?)

Leikehuset i sandkassen er ” lealaust.”
Svar frå rektor:
Eg skal be vaktmeisteren sjå på det!!  Eg trur han har sjekka det før, men han kjem til å testa det igjen!

Nye dører og  låsar på gutedoen.
Svar frå rektor:
Dersom dei me har ikkje er heilt øydelagt, må me klara oss fram til ny skule i 2004

Fleire bøker på biblioteket.
Til dømes, Ringenes Herre – småbøkene, ikkje den store tjukke.
Svar frå rektor:
Det er fint om de kjem med ynskjeliste med bøker de vil ha i skulebiblioteket. Då kan me nytta denne når me skal kjøpa nye!
(Er Ringenes herre ei bok som passar for elevar i barneskulen?)

Kan ein ta vekk brenneneslene som er rundt fotballbanen ?
Svar frå rektor:
Er det liv i brennenesler endå?- Eg skal sjå på det.

6 klasse:
Vil ha kulturhusbading.
Svar frå rektor:
Ja, det hadde sjølvsagt vore kjekt om 6.- og 7.klasse kunne reist til kulturhuset og hatt symjeundervisning ein gong i månaden. Diverre er det slik at me må spara pengar.  Symjing i kulturhuset er ein av dei tinga me ikkje MÅ gjera, difor måtte eg ta bort dette tilbodet. SORRY!

Pause med småskulen 2 dagar i veka.
Svar frå rektor:
Det er kjekt å høyra at de i 6.klasse vil ha pause med småskulen to dagar i veka. No er det slik at me hadde felles pause for alle klassane på torsdagane tidlegare i haust. No er det delt pause for småskulen og mellomsteget kvar dag.  Dersom 6.klasse vil ha pause med dei små av og til kan de kanskje ordna det slik at de tek "småskulepause" når det passar slik.... 

Ha musikk i pausen eller i fleksitida.
Svar frå rektor:
I pausen: Om det vil ha litt musikk i pausen før de går ut kan de kanskje avtala med klassestyraren. Det vert då opp til kvar klasse
I fleksitida: Nei, fleksitida er ARBEIDSTID, ikkje PAUSETID. Det er viktig at elevane som er på skulen i fleksitida får ro til å gjera det arbeidet dei skal gjera. 

Få fleire sykkelstativ.
Svar frå rektor:
Kanskje me heller skal få litt orden på dei sykkelstativa me har. Fint om elevar i 6.klasse tek kontakt med meg, så kan me sjå på kor mange stativ me treng ved buss-skuret, og ved parkeringsplassen.

Få blink på snøballveggen.
Dersom det vert snø, vil det bli eit problem å vera på snøballbakken , fordi ein då forstyrrar småskulen som ikkje har pause.
Svar frå rektor:
Ja, det vert  eit  problem dersom storskulen skal få kasta snøball på fjellveggen i pausetida. Når no 4.klasse har undervisning i pausetida til storskulen, vert heilt sikkert 4.klasse forstyrra om dei store skal kasta på blink bak skulen....  
Dette får me tenkja litt på! Fint om de kjem med gode forslag før neste snøfall!

PS!
Kjetil frå 7 klasse fortalte om kva dei hadde snakka om på siste møte i Barne og Ungdomsrådet.

Skrivar for elevrådet:           Svar frå rektor
Gro A. Halvorsen                  Lars Bakka

   Møte nr 2  

onsdag 16.oktober 2002

2002/03  

REFERAT

SAKER FRÅ KLASSANE:

2 klasse

• Klatrestativet  og reilestativet er "vippete".

• ”Spindelvevet ” er laust.

• Treet til "storaslengo" i skogen er laust.

• Me treng fleire store spadar i sanden.

• Det er litt problem med rutsjedekket i skogen.
  - Kommentar frå rektor: 
  Alt dette skal vaktmeisteren og eg sjå på når me no snart skal gå ein runde og sjå kva som må gjerast med skulen. Det er flott at eg får desse meldingane!

• Det er nokre elevar som går utanfor grensene i skogen! av og til går dei heilt ned til sjøen.
  Korleis kan me få elevane til å respektera grensene ?
  - Kommentar frå rektor: Det MÅ det bli slutt på. Tenk om nokon skulle drukna når dei leika ved sjøen. INGEN FÅR LOV TIL Å GÅ PÅ UTSIDA AV GJERDET I SKOGEN!!

4 klasse

• Me treng ny pumpe til fotballen.

• Ønskjer slenger i klatrestativet i sandkassen.
  - Kommentar frå rektor: Nei, det får vera nok med slengene i skogen

• Har lyst til å ha loppemarket på skulen, inntekta skal gå til fattige barn.
  - Kommentar frå rektor: Dette må de ta opp med klassestyraren.

• Har lyst til å ha teater og konsert besøk på skulen.
  - Kommentar frå rektor: Det høyrest kjekt ut. Ta det opp med klassestyraren.

   Møte nr 1   

måndag 4.september 2002

2002/03