Oppdatert: 15.10.07

Elevrådsmøte 2001/02
Sjå også tidlegare saker i elevrådet dette skuleåret»
[Sjå også elevrådsmøta 2000/01>>]

 

   Møte nr 9   

måndag 10.juni  2002

2001/02  

Referat frå møte i elevråd 10 juni:

Saker:
- Melodi grand prix junior
- Sommarfesten

Frå klassane:
4 klasse- den jerndingsen på slenga i skogen er der enno !
Kommentar frå rektor:
- Vaktmeisteren kjem til å reparera dette i sommarferien
6 klasse-ynskjer å vera med fadderungane sine i friminutten, difor er det dumt at det har blitt delt friminutt.
Kommentar frå rektor:
- Det vert "fadderfriminutt" til hausten, i august/september. Då vert det delt friminutt med 1+2+6+7.kl og 3+4+5.kl. Torsdagane vert det samla friminutt for alle

Det er dumt at det ikkje vert bading i kulturhuset neste skuleår.
Kommentar frå rektor:
- Ja, men me må spara litt pengar. Sagvåg skule er likevel den skulen i Stord som har mest symjeundervisning med symjing frå 2.-6.klasse..

 

   Møte nr 8   

måndag 13.mai  2002

2001/02  

Referat frå møte i elevråd

Desse møtte:
Emilie 1 kl. (vara), Joakim 2 kl., Johannes 3 kl., Kristina 4 kl., Jakob 5 kl., Oda 6 kl.,  Yngve 7 kl. 

Melodi Grand Prix Junior

  • Klassane må arbeida med innslaga og laga ei liste over deltakarane .
    Denne må Gro ha omlag ei veke før finalen.

Saker frå klassane:

1 klasse
Brita har plukka opp 15 gulrotbitar ute i pausen i dag, det må bli slutt på å kasta frukt og grønsaker !
 Kommentar frå rektor:
- Ja, eg har sett fleire elevar som har kasta gulrotbitar oppover fjellveggen. De er med dette åtvara.  Rektor ser alt! ......  :-)

2 klasse
Kan ein leggja småsteinar i sørpa i skogen, slik at det ikkje vert så skittent ?
Kommentar frå rektor:
- Ja, men eg trur at me skal prøva med meir bork først. Det har me lagar av.

Alle må slutta å hengja i basketkorga nede.
Kommentar frå rektor:
- Ja, eg har gitt beskjed til alle som gjer det! Det er den på framsida av skulen dette gjeld. Dersom ho vert øydelagt fordi nokon heng i ho er det ikkje sikkert det vert kjøpt ny!

Det er dumt at benkene i skogen ligg slengt rundt. Kan ein få dei på plass igjen ?
Kommentar frå rektor:
- Ja, det skal me sjå på. Kanskje ein klasse kan vera med på å leita etter dei støttene som manglar...?

3 klasse
Er det greitt å ha stand up i Melodi Grand Prix ?
Kommentar frå rektor:
- Ja, men det hadde vore kjekt om me fekk ei prøveframføring. Velkomen til rektor med "stand up-show".

6 klasse
Går det an å få basket korgene lågare ?
Kommentar frå rektor:
- Nei, då vert det problem med varetransport og andre større bilar som av og til må køyra inn bak skulen.

Få nye nett i fotball og handball måla.
Kommentar frå rektor:
- Ja, kanskje til skulestart. Men eg har ikkje så lyst til å kjøpa nye nett når eg ser kor mange det er som klatrar i det. Nokre elevar brukar målet til "hengehøye"!

 

 

   Møte nr 7   

Referat frå møte i elevråd

Desse møtte:
Emilie 1 kl. (vara), Joakim 2 kl., Johannes 3 kl., Kristina 4 kl., Jakob 5 kl., Oda 6 kl., Andreas 7 kl. (vara)

Saker frå klassane:

1 klasse
Dei som leiker og byggjer i sandkassen må få fred.
Kommentar frå rektor:
JA! No når det er delt pause midt på dagen må det vel vera mogleg å få fred til å leika i sandkassen for store og små elevar!

3 klasse
Vil ha betre lukt på gutedoen –
Kommentar frå reinhaldarane:
Me gjer reint på doen kvar dag. Då sprayar me godlukt der.
Det er elevane sjølve som gjer det ukoseleg . Kan nokon  på storskulen ta på seg å laga plakatar som minner om at ein må trekka i snora etter at ein er ferdig, og elles har det reint og ryddig ? Me gjer reint på doen kvar dag. Då sprayar me godlukt der.
Det er elevane sjølve som gjer det ukoseleg . Kan nokon  på storskulen ta på seg å laga plakatar som minner om at ein må trekka i snora etter at ein er ferdig, og elles har det reint og ryddig ? Me gjer reint på doen kvar dag. Då sprayar me godlukt der.
Det er elevane sjølve som gjer det ukoseleg . Kan nokon  på storskulen ta på seg å laga plakatar som minner om at ein må trekka i snora etter at ein er ferdig, og elles har det reint og ryddig ?

Fleire puter i gym.salen.
Kommentar frå rektor:
Eg trur det er nok puter. De kan vel også bruka mattene når det har gym.

Fleire vaksne i fleksi-tida, slik at dei får gå på sløyden.
Kommentar frå rektor:
Ja, det hadde vore kjekt. Men det er slik at eg ikkje berre kan bestemma at me skal vera fleire vaksne på skulen. Dei vaksne som er her må få løn for arbeidet, og me har diverre ikkje så mykje pengar at me kan tilsetja fleire vaksne enn me er no.

4 klasse
Elevar frå 5 klasse kjem ut når 4 kl. har pause, dei plagar fleire på småskulen.
Kommentar frå rektor:
Ja, det kan det godt bli slutt på. 5.klasse skal ikkje koma ut før klokka er 11:10.(Når det ringer!)

Ynskjer fleire bøker på biblioteket. Dyrebøker og andre bøker.
Kommentar frå rektor:
Me har 63 bøker på biblioteket som handlar spesielt om dyr. Elevane som kan lesa sjølv finn lett bøkene me har på Internett. Søkjer du på t.d. KATT finn du 6 bøker.

 

Blåsene i skogen er for langt nede.
Kommentar frå rektor:
Eg veit det. Vaktmeisteren ville at me skulle prøva litt til, men no skal me ordna det!

Slenga i skogen har ein jerndings som ein kan stikka seg på.
Kommentar frå rektor:
Det skal eg sjå til at vert ordna med ein gong! Flott at eg fekk beskjed frå 4.klasse om dette! TAKK!

6 klasse
Kan storskulen få vera ute i fleksitida.
Kommentar frå rektor:
Ja, kanskje. Eg må drøfta dette med lærarane i 5.-7.klasse. Det kunne vore kjekt om de fekk gjera noko kjekt og fornuftig ute i vår. Kanskje vil det vera oppgåver på arbeidsplanen utover våren som gjer at det må gå ut for å løysa enkelte oppgåver......

7 klasse
Det er sand inne på jentedoen.
Kommentar frå rektor:
SAND!? Dersom det er sand som føl med skoa er, vert det vaska reint kvar dag. Dersom det er nokon som hiv inn sand frå sandbassenget, MÅ det bli slutt på det!!!

Få betre låsar på gutedoen.
Kommentar frå rektor:
Det vert nok ikkje skifta låsar før me flyttar i august 2004. Dei låsane me har skal fungera!

Det er mykje såpe i vasken.
Kommentar frå rektor:
Då må det vera elevar som sprutar såpe i vaskane!?- Det bør det bli slutt på!

Eventuelt:
Minner om talentiaden. Det kan kanskje vera lurt å tenkja over innslag ein vil opptre med, slik at ein får god tid til å øva.
Kommentar frå rektor:
Det er sikkert mange som har sett "Bravissimo" og "Grand Prix Junior". Klarer også me å laga ein Talentiade med mest mogleg "levande musikk" og "ekte!" song!?
Kanskje kan me laga eit "Grand Prix Junior" ved Sagvåg skule i år??

Les meir om Grand Prix Junior her>> (NRK)

Sjå bilete frå TALENTIADEN Sagvåg skule 2001 her>>

Gro A. Halvorsen  /  Lars Bakka
-kontaktlærar-            -rektor-

 

   Møte nr 6    

måndag 18.mars  2002

2001/02  

Referat frå møte i elevråd 

Gjennomgong av sakene frå førre møtet.

Saker frå klassane:

1 klasse
Eit av toaletta på gutedoen er laust.
Kommentar frå rektor: Eg skal melda frå til vaktmeisteren om dette.

2 klasse
Alle må bli flinkare til å bruka bosskorgene !
Kommentar frå rektor: YES! :-)
Den nye blåsa i skogen er for lang, den tek nedi.
Kommentar frå rektor: Eg skal melda frå til vaktmeisteren om dette.
Blåsa på slenga er veldig stor og tung, det var lettare med den blåsa som var der før.
Kommentar frå rektor: Me får sjå om de vert vant med ho, elles må me kanskje byta.
Det er nokre tau som det kjem vatn ut av når me klatrar i dei.
Det er som om det samlar seg vatn i plasten rundt taua når det regnar.
Kommentar frå rektor: Me får satsa på at dei tørkar utover våren... Kanskje vaktmeisteren har ein god idé.. (Han får alltid referatet frå elevrådet.)

3 klasse
Kan me ha sløyd i fleksitida ?
Kommentar frå rektor: Det er ikkje så godt å få til fordi det er mykje farleg verky...
Få nett på basketstativa i gym salen ?
Kommentar frå rektor: Det har vist seg at det er nokre elevar som synest at det er kjekt å henga i desse netta. Korgene i gymsalen varer lenger utan nett.
Få nye mål i gym.salen ?
Kommentar frå rektor: Nei, dei me har er greie nok, men kanskje treng dei ein liten service.

5 klasse
Kan me få bruka forskarrommet i fleksitida, og få eigne fleksilappar på det ?
Kommentar frå rektor: Greitt for meg. Snakk med Egil, det er han som er sjefen på teamet til mellomsteget.

6 klasse
Har lyst til å måla klasserommet.
Kommentar frå rektor: Hugs at det ikkje er sikkert at det er de som skal ha klasserommet til neste år.... kanskje den nye klassen ikkje likar fargane...Kanskje kan de få lov til å hjelpa vaktmeisteren dersom klasserommet treng ei lita opp-pussing, men heile klasserommet vert ikkje malt. Me ventar på ny skule....
Vil ha ny lås på jentedoen.
Kommentar frå rektor: Eg melder frå til vaktmeisteren
”Godlukt” på do ?
Kommentar frå rektor: Det har reinhaldarane ordna med. Luktar det ikkje betre no??

Ymse:
Informasjon om prøveordninga om delt matpause etter påskeferien.
Informasjon om barne og ungdomsrådet og saker dei held på med.

Ny skule.
Arkitektfirma Vis-A-Vis kjem til skulen på torsdag 21 mars for å informera personalet og elevrepresentantar om dei justerte planane.

Oda, Kristina og Jakob stiller frå elevråd.

Oda Kalderåstøyl
leiar i elevråd

Gro A. Halvorsen
kontaktlærar

   Møte nr 5    

måndag 28.januar  2002

2001/02  

Referat frå møte i elevråd måndag 28 januar.
Elevrådet ved Sagvåg skule 2001/02

Om forskarrommet:

Yngve og Jakob har ansvar for å snakka med rektor om utstyr og bruk av dette i forskarrommet. (stillerommet.)
 Kommentar frå rektor: Der er velkomne! :-)

Om friminutta:
Elevrådet vil be dei eldste elevane om å slutta å herja slik i friminutta.
I dag var det mange 6 og 7 klassingar som plaga  dei minste elevane då dei sat fint i sandkassen og leika.

Kommentar frå rektor: Ja, det MÅ det bli slutt på. Dersom nokon ser at andre vert plaga må det straks melda frå til dei vaksne. Det er alltid vaksne ute i pausane!
Hugs skulereglane våre:

Reglar for trivsel og tryggleik ved Sagvåg skule

Skulen bør vera ein stad der alle trivest og er trygge. 
Først då vert det godt læringsmiljø og rike fellesopplevingar.

  1. Me er greie med kvarandre.
  2. Me hjelper til med å halda skulen rein og fin.
  3. Me er rolege når me er inne i matpausen.
  4. Me tek vare på det som veks, og på utstyr både inne og ute.
  5. Alle får vera med å leika, og me seier fine ting til kvarandre.
  6. Me held oss på skuleområdet i skuletida. Turar, ekskursjonar o.l. er unnateke.
  7. Snøball kastar me på blink der me har lov.
  8. Er nokon borte frå skulen, må dei ha melding i meldeboka så snart råd er. Treng nokon fri, spør dei om det på førehand. Bruk meldeboka.
  9. Brot på ordensreglane og uhøvisk framferd kan føra til bortvising frå klassen, d.v.s. til rektor. I slike høver vert ofte også foreldra kopla inn.
  10. Dersom me får lov heime kan me sykle til skulen frå den hausten me tek til i 5.klasse. Me fylgjer sjølvsagt trafikkreglane og alle skal bruka hjelm

Saker frå klassane:

 4 klasse.

  • Kan ein fylla att dei hola som er på fotballbanen.
     Kommentar frå rektor:
         Ja, eg skal snakka med vaktmeisteren. Det er alt for mange store dammar der no.

  • Elevane må slutta å klatra i fotballnetta.
     Kommentar frå rektor: YES!!

  • Dusjane nede er framleis varme.
     Kommentar frå rektor: Då er det nokon som stiler på dei. Dei er i orden.
          Be læraren skru på dusjen når de har gym!

  • Blåsa i skogen, (der det er bildekk) er vekke.
     Kommentar frå rektor: Å!? Det visste eg ikkje. Det skal me ordna med!

  • Det hadde vore kjekt med eigen strikkedag på skulen.
     Kommentar frå rektor: Ja, det er noko de må ta opp i eigen klasse. Strikking er ein del av Kunst- og handverk-faget. Eg ser at det er mange som er blitt svært flinke til å strikka. (Vert de ikke leie dersom de skulle strikka heile dagen??)

6 klasse:

  • Det er dumt med alt vatnet som renn på bakken. Kan noko gjerast ?
    Kommentar frå rektor: JA! Vaktmeisteren har teke kontakt med dei som eig trea bak skulen. Må håpar å få lov til å fella ein del av dei slik at ikkje ristene går tette med lauv!

  • Etterlyser ”godlukt” på toaletta.
     Kommentar frå rektor: Eg skal snakka med reinhaldarane om det finnes noko...

  • Det hadde vore fint om ein kunne måka vekk slapset ute, dersom det frys er det så vondt å gå.
     Kommentar frå rektor: No har det smelta, men det har heilt rett.

  • Vert det skidag på fjellet i år ?
     Kommentar frå rektor: Ja, dersom det vert skiføre vert det skidag.
    Les meir om skidag på heimesida vår HER>>[sjå på Internett]

Oda Kalderåstøyl
leiar i elevråd

Gro A. Halvorsen
kontaktlærar

 

   Møte nr 4    

måndag 3.desember  2001

2001/02  

 
Saker frå klassane:

Referat frå møte i elevråd

Saker frå klassane:

Forskarrom:

  • Ein kan bruka stillerommet til forskarrom.
  • Ein treng noko naturfag-utstyr, som til dømes forstørrelsesglas,luper og mikroskop.
    - Svar frå rektor: Eg har fått litt utstyr av Kjell. Dette utstyret ligg på kontoret klart til avhenting!
  • Ein kan og ha motorar, skumgummi, utstyr til å byggja båtar, knivar og anna verktøy.

Saker frå klassane:

1 klasse.
Leiker som vert henta i kassen ute vert dårleg behandla av mange eldre elevar. Dei sparkar til dei og trør på dei. Då vert dei øydelagt, så no er det mest ikkje leiker igjen.
Når 1 og 2 klasse leiker med basketballane nede ved brua, er det mange andre som kjem og tek ballane ifrå dei . Ofte er det dei som står i busskø som plagar.
Av og til sparkar dei på basketballane og.
Svar frå rektor: Klaga frå 1.klasse vert lese opp i alle klassane når referatet frå elevråd vert gjennomgått. Me får håpa at det hjelper.

2 klasse.
Det er hol i nokre av blåsene i skogen.
Svar frå rektor: Det skal reparerast. (Nye blåser kjem i januar)
Ynskjer fleire klatrestativ.
Svar frå rektor: På den nye skulen i Rukjen vert det plass til fleire klatrestativ!

3 klasse.
Ynskjer fleire handballar.
Svar frå rektor: Kor vil de bruka desse ballane? Det kan vel lett bli krangling om det eine handballmålet me har....?

6 klasse
Går det an å ha innesko i gym.salen når det er gym. og fleksigym ?
Svar frå rektor: Det er nok best om ingen har sko. Skulle nokon hatt sko måtte alle hatt det...
Ynskjer luftreinsar på toaletta.
Svar frå rektor: Det kan kanskje monterast litt "godlukt". Men reinare luft vert det ikkje av det. Eg skal snakka med reinhaldarane.
Vil ha sal av O`boy og yoghurt på skulen.
Svar frå rektor: O'boy er snop. Yoghurt er litt vanskeleg fordi då måtte ein hatt den sama bestillinga kvar dag. De ville nok blitt lei av det. Me har frukt og mjølk, det får vera nok for dette skuleåret.
Dusjane er framleis varme.
Svar frå rektor: Eg har møte med vaktmeisteren kvar onsdag. Eg tek det opp med han igjen då.

7 klasse.

Vil vera ute i flekitida.
Svar frå rektor: Ja, me har snakka om å få til ei ordning der også elevane i 5.-6 og 7.klasse kan velja uteaktivitetar i fleksitida. Det vert kanskje slik litt utpå våren.

Oda Kalderåstøyl
leiar i elevråd

Gro A. Halvorsen
kontaktlærar

Lars Bakka
-rektor-

 
 

 

   Møte nr 3        

måndag 29.oktober  2001

2001/02  

 
Saker frå klassane:

Referat frå møte i elevråd

Ang. gym.salaktivitetar i fleksitida: 
Det er for lite vaksne til å kunna organisera i gym.salen, men kanskje ein kan ha div. songleikar og andre ting, for eksempel: Mor får jeg lov, ein, to tre raudt lys, kongen befaler, hauk og due m.m.

5 – 7 klasse må komma med forslag til forskarrom , kvar det kan vera og kva utstyr ein treng. Dette må me ha til neste møte i elevråd, måndag 26 november.

Saker frå klassane:

1 klasse
Klatrestativet i sandkassen bør festast, fordi det er laust.
Svar frå rektor: Eg skal melda frå til vaktmeisteren om det.

Dei eldste elevane på skulen må vera greie med dei minste elevane. Av og til seier dei stygge ting til dei minste, då vert dei redde.
Svar frå rektor: Eg er heilt einig med 1.klasse om det!

Dei som leikar med vatn, må ikkje spruta på dei som går forbi.
Svar frå rektor: Ja, det må det bli slutt på!

3 klasse
Har lyst på ny datamaskin i klasserommet.
Svar frå rektor: Det må de ta opp med klassestyrarane. Dei tek kontakt med Kjell, han har ansvaret for datamaskinane.

Bokseputa i gym.salen.
Svar frå rektor: Eg er ikkje sikker på om det er så lurt. Kanskje er det slik at dei som vert flinke til å slå hard kjem til å bruka det når dei ikkje bør slå også ?-  Boksing er ein kampsport som neppe vil bli innført ved Sagvåg skule.

Klatrevegg.
Svar frå rektor: Ja, det hadde vore kjekt. Det er laga plass til klatrevegg på den nye skulen. Her er det litt problem med plassen ....

Meir Lego i klasserommet.
Svar frå rektor: Dette må de ta opp med klassestyrarane.

5 klasse
Vil ha ekstra lett mjølk.
Svar frå rektor: Ja vel. Dersom det gjeld mange kan det kanskje bli eitt tilbod etter jul. Eg skal ta det opp med Olaug.

Ny handball.
Svar frå rektor: Dersom utehandballen er øydelagt må han leverast til kontoret, så får de ny. Dersom han er vekke må leiaren i elevrådet ta dette opp med rektor.

7 klasse
Dusjane i garderoben nede er for varme.
Svar frå rektor: Dette vert det meldt frå til vaktmeisteren om. Han skal fiksa det.

Planken over reilene er litt laus, den kan og vera roten.
Svar frå rektor: nei, han er nok ikkje roten, men me skal sjå om me kanskje skal strama skruane litt. (Vaktmeisteren skal sjå på dette.)

 

Oda Kalderåstøyl
leiar i elevråd

Gro A. Halvorsen
kontaktlærar

PS!  frå rektor: Vaktmeisteren har hatt problem i haust med at elevar kastar lauv og anna i kummen på plenen bak skulen. Når det regnar vert det flaum og vatnet renn heilt ned til porten. Ver så snille å ikkje gjer dette!

Lars Bakka

 

   Møte nr 2        

måndag 1.oktober  2001

2001/02  

 
Saker frå klassane:

3 klasse har ynskje om andre aktivitetat i gym.salen i fleksitida.
Elevråd kom med forslag. Bruka "tjukkassen", høgdehoppstativet, slengene og ha volleyball.
Svar frå rektor: 
Dette må de ta opp med Kari Myhre, det er ho som er sjef for lærarane i 1.-4.klasse

5 klasse kom med ønske om å få eit forskarrom.
Svar frå rektor: 
Det høyrest spanande ut !   Kor vil de ha det rommet. Kva utstyr treng de?

Elles hadde ein ynskje om å få meir luft i blåsene i skogen, skifta nett i klatrestativet ute, få nye mål i gym.salen, få nett i basketkorgene i gym.salen.
Svar frå rektor: 
Alt dette skal eg ordna. Me kjem til å ordna ganske mykje i skogen i haust. Nett i basketballkorgene skal eg også ordna med. [Sjå plan for vedlikehald av Sagvåg skule>>]

Jentene i 5 klasse hadde ønske om å få til 2 handballmål ute.( Med nett.)
Svar frå rektor: 
Det kan bli vanskeleg. Kor skulle dei måla ha vore?...

Elles vart det snakka om at toaletta er ekle, det går ikkje an å låsa ordentleg. Ein må be alle om å spyla ned etter at dei har vore på do.
Svar frå rektor: 
Ja, me har diverre elendige toalett. Me må vera nøye med å trekka ned og gjera det beste ut av det me har fram til ny skule i Rukjen. [ Her kan du sjå bilete av den nye skulen>>]

Oda Kalderåstøyl
leiar i elevråd

Gro A. Halvorsen
kontaktlærar

Lars Bakka
rektor

 

   Møte nr 1        

måndag 27.august 2001

2001/02  

 

Referat frå møte i elevrådet 
Sak 1 Val
Oda Kladeråstøyl 6.klasse (leiar)
Kristina S. Mjønes 4.klasse (nestleiar)
Yngve Skutla 7.klasse
Jakob F. Jæger 5.klasse
Ola B. Polden 3.klasse
Maylinn O. Dybvik 2.klasse
Stian S. Moss 1.klasse

Sak 2 Ny skule i Rukjen
 Elevrådet uttalte seg om kva ny skule dei fleste elevane ved Sagvåg skule ville ha. Det var avstemning i alle klassane etter at alle elevane hadde fått sett teikningane og modellane av framlegga til ny skule.
Her kan du sjå korleis stemmene til elevane fordelte seg mellom dei ulike skulane. Det var to som var svært populære:

Sak 3 Diverse

  • Alle klassane må leggja uteballane i korga utanfor personalrommet etter bruk!
  • Berre dei som har fotballdag skal vera på fotballbanen
  • Me treng meir luft i blåsene i skogen.
    - Rektor: Det skal eg sjå til at vert gjort.
  • 1.- og 2.klasse vil ha eigne basketballar
    - Rektor: Det skal de få.
  • Nytt nett til klatrestativet i sandkassen.
    - Rektor: Det skal eg kjøpa.
  • Gummibeskyttelse rundt den eine reila i sandbassenget
    - Rektor: No har den eine reila dutte ned. Kanskje me må kjøpa ny....?.
  • Me bør tenkja over kor me kan ha akebakke til vinteren

Oda Kalderåstøyl
leiar i elevråd

Gro A. Halvorsen
kontaktlærar
Lars Bakka
rektor