5. å r s s t e g (sag04)  2 0 0 8/0 9   fagsider-> oversikt alle fag norsk matematikk engelsk samfunnsfag natur & miljø musikk kunst & handverk krL heimkunnskap kroppsøving eleven sitt val      Tilbakeblikk

Kontaktlærar>>

Hildegunn: Meld frå når du har henta bileta. LB

Litlabø og Sagvåg på tur Publisert :Fredag 8.mai 2009 kl 13:20 Tradisjon tru, var mellomstega på dei to skulane på felles tur fredag. Me starta ved crossbana, gjekk mot Rødkleiv og innover Stordalen, via Dale og Fiskarelva, og tilbake til utgangspunktet. Veret vart betre enn forventa, og dersom elevar var våte til oppunder armane, var det ikkje på grunn av sterke regnbyger. Ein sosial og kjekk tur. Fleire bilete>> Tekst og foto: Toril Sandvik Bruket

Publisert :Onsdag 22.april 2009 kl 09:50 Steinsamling 5 steget var på tur til Karl Olav og Laila Vestvik. Me fekk sjå den fine steinsamlinga til Karl Olav. Kanskje er vart det fleire som fekk seg ny hobby i dag? Laila hadde baka boller, så det var fest på Almås i dag. Fleire bilete>> Tekst &  bilete: Anne Elisabeth Trevland

Publisert : Tysdag 31.mars 2009 kl 09:15 Snart påske 5. steg førebur seg til påske. Heile tysdagføremiddag var me på kunst og handverksrommet og koste oss med ulike aktivitetar. Kjekt med studentar. Då får me mykje hjelp. Tekst: & foto: Anne Elisabeth Trevland

Publisert : Fredag 27.mars 2009 kl 15:40 Arkitektar på 5.steget Elevane har halde på med målestokk og design av hus. Resultatet vart fine hus og etter kvart som dei såg dette, blomstra kreativiteten. Tekst & foto Hildegunn Heimro

Publisert : Onsdag 25.mars 2009 kl 15:00 Matematikkdagar Det var masse hjernetrim for elevane på mellomsteget i dag. Elevane vart delt inn i 5 grupper og arbeida med ulike oppgåver både ute og inne. At matematikk kan vere så kjekt. Fleire bilete>>   Ein liten film>> Tekst & foto: Anne Elisabeth Trevland

Publisert : Torsdag 19.mars 2009 kl 16:00 Musikk på 5.steget 5 steg hadde ein kjemkjekk musikktime idag. Me spelte gitar, song kanon og hadde rytmeleikar. Aktiviteten var stor. Ein liten film>> Tekst & foto: Anne Elisabeth Trevland

Publisert : Onsdag 11.mars 2009 kl 15:15 Er det surt? 5 steg har målt ph-verdi på såpe, eddik.... Spennande! Tekst & foto: Anne Elisabeth Trevland

Publisert : Fredag 27.februar kl 13:25 Gåver etter brannen Alexander, Liv Ingunn, Olve og Renate fekk fine gåver frå alle medelevane fredag før vinterferien. Det var leiar i FAU, Snefrid Vikanes, som saman med rektor gav elevane gåvene. I juleferien brann huset til Alexander og Liv Ingunn heilt ned, medan nabohusa der Olve og Renate bur fekk store skadar. I tillegg til gåver frå elevane fekk Liv Ingunn og Alexander også fotoalbum med bilete som lærarane har teke opp gjennom åra på Sagvåg skule. (Det kjem lenkjer til bilete og artiklar i fleire aviser etter kvart) Først ute var BT>> Tekst: Lars Bakka Foto: Kari Myhre

Publisert : Torsdag 12.februar kl 15:40 Det gjekk så det kvein.... Ski, akrbrett, kjelkar, andre brett og store plastdukar. Alt dette vart brukt i Dalebakkane då mellomsteget nytta dagen i snøen. Me steikte pinnabrød, og elevane hadde med seg pølser, brød med kvitost og karbonadar. Ein kjekk dag i snøbakkane. Fleire bilete her>> Tekst: Toril Sandvik Bruket Foto: Lærarar og assistentar på mellomsteget.

Publisert : Onsdag 4.februar kl 14:40 Skeisemesterskap Onsdag 4. februar var dei som hadde lyst frå 4. - 7. steg med på skeisemesterskap på Vikahaugane! Det var nok ikkje tenkt at snøen skulle lave ned heile dagen, men trass i mykje snø, forseinkingar og litt våte kler var det ein sporty gjeng som var med frå Sagvåg skule. Distansen dei gjekk var 50 m og dei gjekk mot medelevar. Etterpå vanka det fine medaljar til alle som var med.  Her er også ein liten film>>. Her er fleire bilete>> Tekst & foto: Hildegunn Heimro

Julegøy og leikestund Onsdag 17.desember 2008 kl 12:30

Fredag  12.desember 2008 kl 14:20 Graut i 4. og 5. 4 og 5 steg koste seg med graut i dag. Fleire elevar var heldige og fekk mandel. Me fekk også spelt litt ilag. Det var veldig kjekt. Tekst og foto: Anne Elisabeth Trevland

Nissemarsj Torsdag  11.desember 2008 kl 09:30 Bladet Sunnhordland var til stades og laga reportasje då elevrådet arrangerte nissemarsj i nydeleg vintervér i dag tidleg.  Fleire bilete frå nissemarsjen finn du her>> Tekst og foto: Lars Bakka

Tysdag 2.desember 2008 kl 12:45 Tannpleiar Brit Låstad var hos oss på 5 steget i dag. Me fekk lære om korleis me best skal ta vare på tennene. Me fekk tannkost, tanntråd og vannflaske hos henne. Tekst & foto: Anne Elisabeth Trevland

Publisert: Fredag 31.oktober kl 23:50 I dag har me tatt farvel med studentane våre. Kristian spela ein fin avskjedssong på piano og så vart studentane overausa med mange klemmar. Elevane kosa seg saman med studentane, som no går "i hi" på lærarskulen og kjem attende til oss utpå nyåret. Det gler me oss til! Fleire bilete Tekst & foto: Hildegunn Heimro

Publisert: Fredag 31.oktober kl 12:30 Etter to økter har gruppe 1 og 2 laga kvar sin musefellebil. Nokre bilar tok ein sving, medan andre gjekk rett fram. Stor friksjon og spinning gjekk ikkje bra. Tekst & foto: Toril Sandvik Bruket

Publisert: Tysdag 28.oktober 2008 kl 16:15 Mellomsteget har hatt teknologi og design på timeplanen i dag. Me skal ha dette kvar tysdag og torsdag i tre veker no. Elevane lagar musefellebil, papirhelikopter, mekaniske kort, og flaskerakettar. Det vart laga mange fine og kreative kort, og mange modellar av papirhelikopter vart testa ut. Med rakettane vart det futt og fart på skuleplassen, men alle bilane var like heile etterpå......... To filmar: Film 1 og film 2  Tekst & foto: Egil Petterieg m.f

.

Publisert: Torsdag 22.oktober 2008 kl 12:00 Det var stor aktivitet på musikkgruppene til 5 og 6 steg i dag. Me hadde som vanleg gitar på ei gruppe. 3 lærarar som kan hjelpe til, er ganske flott. Ei gruppe var i amfiet og dansa. Tredje gruppa lytta til musikk og teikna. Tekst & foto: Anne Elisabeth Trevland

I går hadde me på var 5 steg frå Litlabø skule og Øyvind Hjelmen hos oss. Litlabøelevane kom så tidleg at me hadde storfriminutt med dei. Øyvind Hjelmen hadde med seg bileta som me tok tidlegare i haust. No skal me skrive tekst til dei. Kanskje det vert ei utstilling og. Tekst & foto: Anne Elisabeth Trevland

Insekt på 5.steget Fredag 19.september 2008 kl 10:40 Kva i all verda er det med den humla? 5 steg var ute og leita etter smådyr som me skulle studere. Me fann mange. Ei av dei var ei humle som låg nede i jorda. Ho hadde nokre gule små dyr på. Lurer på kva det er? Tekst & foto: Anne Elisabeth Trevland

Full fart i gymsalen Tysdag 16.september 2008 kl 10:10 (oppdatert kl 14:30) Heile mellomsteget var med då Mariann Steinsland frå Nysæter barnehage kom ned til oss og hadde aerobic-time i gymsalen. Det var mange blide fjes å sjå blant elevane. Tekst & foto: Toril Sandvik Bruket

'Mi verd.' Måndag 15.september 2008 kl 15:00 Det var ein ivrig gjeng som fekk eingongskamera av Øyvind Hjelmen i dag. Elevane skal fotografere ting som er viktige for dei. "Mi verd" heiter prosjektet. 5 steg frå Litlabø skule var også hos oss, så me var ein stor gjeng på musikkrommet.

'Vandring gjennom Bibelen' Torsdag 11.september kl 10:10 Marit kateket har vore hos oss to torsdagar. Ho har teke oss med på ei "Vandring gjennom bibelen". Tekst & foto: Anne Elisabeth trevland

Fargelæra på 5.steget Tysdag 9.september kl 15:20 I dag har elevane på 5.steget lært om fargar og fargesamansetjing. Dei har lært at me har primærfargane gul, blå og raud som saman med kvit og svart dannar grunnlaget for alle fargar. Ved å blanda primærfargane kjem me fram til sekundærfargane lilla, grønn og oransje og ved å blanda primær- og sekundærfargane kjem me fram til tertiærfargane som er ei fargeblanding mellom primære-. og sekundære fargar. Alle desse fargane er sett saman i ein sirkel som me kallar Ittens fargesirkel. Det var god konsentrasjon og det vart mange flotte fargesirklar. Tekst & foto: Hildegunn Heimro

Bruk hovudet - bruk hjelm! Måndag 8.september kl 13:45 Elevane på 5 steg tok sykkelprøva i dag. Me øvde på å halde balansen, gå over vegen, bremse mm. Elevane var kjempeflinke. Det vert nok ikkje lenge før me tek ein sykkeltur att. Fleire bilete>> Tekst og foto: Anne Elisabeth Trevland

Heile skulen er på tur Fredag 29.august kl 11:00 I dag er heile skulen på tur til Mjelkevikjo. Her er eit mobilbilete direkte frå turen. Fleire bilete kjem når elevar og lærarar er tilbake frå turen. Oppdatert kl 14:00! Her finn du bileta frå turen>> Tekst: Lars Bakka Foto: Egil Petterteig

Storskulen på sopptur til Nesskogen Onsdag 22.august kl 14:30 Sidan me har hatt ein solfylt sommar i år, var det vanskeleg å finna sopp. Men me fann likevel både kjuker, kantarell og steinsopp. Kantarellen hadde me i suppa, og dei fleste syntest soppsuppa var god. Me hadde ein fin dag i skogen med eksemplariske elevar. Tekst: Toril Sandvik Bruket Foto: Lærarar og elevar på mellomsteget

På tur kvar dag! Publisert: Onsdag20.august kl 08:15 Mellomsteget går på tur kvar dag dei ikkje har gym. I dag tok me målehjulet med for å finne ut kor lang løypa vår er. Den er 2000 m. Dei på 5 steg meiner at det er det same som 2 km. Tekst & foto: Anne Elisabeth Trevland

Eksperiment Publisert: Tysdag 19.august kl 15:30 5 steg har eksperimentert i dag. Kva for ei flaske trillar fortast og lengst? Er det den med vatn i, eller er det den som er tom? Tekst & foto: Anne Elisabeth Trevland