3. årssteget har vore på sjøvettdag saman med Hystad og Sælevik skular. Me hadde ein kjekk og lærerik dag i fint sommarvêr.

Tekst & foto: Jenny Sætre Skjønberg

I dag har småskulesteget hatt samling i amfiet. Temaet denne gongen var Vår og 17.mai. Elevane song og las. Det er kjekt å sjå kor flinke elevar me har. Fleire bilete>>

Tekst: Brita Flatøy Bilete: Aasne Vikanes/Brita Flatøy

På 3. årssteget har elevane arbeidd med eit tema om bruer og andre byggverk i Teknologi og design. Dei har laga bruer av papirrullar og splittbinders. Nokre av bruene greidde å bera over tre kilo. Elevane lærte at dei måtte nytta seg av trekantar for å få sterke og stødige bruer. Elles har me laga flotte konstruksjonar av tannpirkarar og bløytte erter. Dei som studerer bileta våre, vil finna ein liten kopi av Nysæter kyrkje.

Fredag 25. april var 3. årssteget på museet og fekk arbeida med steinalderen saman med Johanne Ø. Tvedten og Bjørn Arve Lunde. Elevane fekk skyta med pil og boge, laga smykke, prøva å tenna eld og laga reiskap av stein. Etterpå fekk me smaka på fisk som var laga til i kokegrop. Fisken smaka godt. Takk til foreldra som køyrde oss, og takk til Johanne og Bjørn Arve for ein kjekk dag! Fleire bilete>>

Onsdag 23. april fekk 3. årssteget vaflar i sola. Samstundes fekk elevane prøva dei nymåla paradisa ute på plassen.

Torsdag 16. april hadde småskulesteget samling i amfiet. Me song songar av Astrid Lindgren. Dei ulike årsstega hadde øvd inn songar som dei framførte, og me song nokre fellessongar. Elevane var flinke, og me hadde ei kjekk stund! Fleire bilete>>

3. årssteget har arbeidd med steinalderen dei siste vekene. Her er bilete frå den fine steinalderbuplassen vår.

Måndag baka elevane på 3. steget julekaker. Ivrige troppa dei opp på kjøkenet med forkle og kakeboks, og resultatet vart deilige serinakaker som elevane fekk med seg heim.

I dag, onsdag, har småskulesteget hatt konsert med musikarane Magnus Blom, Grethe Hylland og Werner Bryn.
Tekstane og musikken var knytt opp mot sol, regn og vind. Me fekk vera med på ein kjempefin konsert. Fleire bilete>>

Tekst: Jenny Sætre Skjønberg Foto: Solveig Sleen

Her har studentane Helle, Katrine, Hanne og Christin laga til ei kjekk alfabetøving.

Tekst : Aasne H. Vikanes

Elevane på 4. steget hadde i dag ansvaret for den sosiale samlinga i amfiet. Daniel og Simona var flinke programleiarar, og temaet denne gongen var Venner. Elevane hadde mange fine innslag med både song, dikt og dans! Fleire bilete her>>

Onsdag 24. oktober var 3. årssteget på biblioteket i Samfunnshuset. Det passa godt no når me har leselystaksjon. Kari Bolette fortalde for oss og mange av elevane lånte bøker. Etterpå var me på fotballbanen på Nysæter. Studentane Cristin, Hanne, Helle og Katrine sparka fotball og leika saman med oss. Me hadde flott haustver.

Tekst & foto: Aasne H. Vikanes

I dag har 2.steget hatt besøk av kunstnaren Stella East. Ho viste oss ein del bilete ho hadde laga sjølv. Ho lærte og elevane å blanda fargar og måla regnboge. De finn bilete av nokre av dei fine måleria elevane laga.

Onsdag 19. september hadde 3. årssteget stasjonar. Elevane arbeidde med matematikk, høyrde om Pippi Langstrømpe på CD, skreiv i Fronter og spelte spel saman. Neste onsdag er det stasjonar att.