Me har svært kjekke elevar på småskulesteget. I dag ville lærarane visa at me er glade for det. Alle elevane fekk pølser og me leika saman på det fine uteområdet vårt.

På 2. årssteget arbeider me med å laga ting som kan røra seg ved hjelp av luft. Torsdag 26. april fekk me hjelp av fadrane på 7. steget til å laga papirfly. Etterpå var me på handballbanen og prøvde dei. Rekorden for papirfly var 20 meter. Nokre elevar fekk òg prøva å laga fallskjermar av papirserviettar. Det var vanskeleg å prøva fallskjermane ute, men nokre elevar prøvde å sleppa dei utfor rekkverket i biblioteket.

Tekst: Jenny Sætre Foto: Aasne H. Vikanes

(Tekst kjem seinare) Fleire bilete her>>

Tekst & foto: Aasne H. Vikanes

Fleire bilete på sidene til  1.st>> 2.st>> 3.st>> og 4.st>>

Onsdag 18. april var 2. årssteget på biblioteket i Samfunnshuset. Kari Bolette Lundal fortalde oss om biblioteket og las for oss. Mange av elevane lånte bøker med heim.

Her kjem nokre bilete frå arbeidsøktene i 2. årssteget denne veka. Me har mellom anna arbeidd med Løkø - oppgåver i norsk, engelskoppgåver på PC og matematikkspel.

Onsdag 21. mars hadde 1. og 2. årssteget tur til området ved gamleskulen. Me hadde bål og steikte pinnebrød. Dei smaka godt. Det vart god tid til å leika i skogen i det fine veret.

Tekst & foto: Jenny Sætre Skjønberg

Fredag 16.mars hadde 1.-4.trinnet sosial samling i amfieet. Det var 4.steget som hadde ansvaret denne gongen, og temaet var "Torbjørn Egner". Me song, spelte og las frå Hakkebakkeskogen og Kardemommeby. Det var mange flotte innslag! Fleire bilete>>

Onsdag 07. februar var 2. årssteget i haugen ovanfor skulen og leika med sokketrolla. Elevane laga hytter og hus av naturmateriale og leika og kosa seg i det fine veret. 

Du kan også sjå ein
 liten film frå
utedagen her:

På 2.steget har me vore så heldige og fått med oss to kunst og handverkstudentar i to veker. I denne tida skal me ha om eventyr. Elevane har allereie høyrd fleire eventyr, og dei vart inspirerte til å laga nokre flotte eventyrfigurar i trolldeig. Me held også på å laga vårt eige eventyr som me skal laga illustrasjonar til. I dag har me laga nokre tøffe sokketroll.

Tekst og foto: Anne Brit Holm og Aasne H. Vikanes

Onsdag 13. desember hadde 2. og 3. årssteget leikestund samstundes som nokre av elevane gjorde ferdig julegåver. Me har berre bilete frå leikestunda, gåvene får de sjå seinare.

I dag har 2. steget vore på museet. Me fekk høyra om korleis jula vart feira for 150 år sidan, og me måtte sjølv ta del i juleførebuinga. Me hogg ved,vaska kler, baka flatbrød, bar vatn, mjølka kua og lagde smør. Nissen fekk graut av oss,men han var ein luring. Han åt litt og så var han vekk, berre nisselua låg att...

Småskulesteget nytta den fine seinsommardagen til å gå på tur til Nysæterbanen. Her er nokre bilete frå denne koselege dagen.

Onsdag 6. september var 1. og 2. årssteget på tur i området ved sykkelstigen nedanfor skulen. Det var regn, så det var kjekt å leika i bekken. Mange hoppa tau og paradis i støvlar og regnklede. Dei som rulla seg i det våte graset, var ikkje heilt reine då dei gjekk heim. Me hadde ein kjekk tur!

Onsdag var 1.og 2.steget  på sin første tur dette skuleåret. Elevane leika, hoppa tau og plukka blåbær.